افغان‌ناو خبري شبکه

متحده عربي اماراتو د روژې مبارکې میاشتې د لیدو په موخه پر مصنوعي ځیرکتیا سمبال ډرون هوا ته والوځوله تر څو میاشت معلومه کړي. د ا لومړی ځل دی چې په عربي هېوادونو کې متحده عربي امارات د لومړي ځل لپاره پر مصنوعي ځیرکتیا سمبال ډرونونه د روژې مبارکې میاشتې د لیدو په موخه هوا ته پورته کوي. د اماراتو رسنۍ وايي، دا نوی میتود د دودیزو لارو خلاف هڅه ده چې دغه هېواد یې ترسره کوي او تر ډېره د زیات باور او کره والي له اړخه هم ډاډمنه هڅه ده. دا نوښت په ملي ادارو، څیړنیزو مرکزونو او څار نیزو بنسټونو سره په همکارۍ ترسره کیږي ترڅو د هلال تایید د اعتبار لوړولو لپاره لا ډېر کار ترې واخیستل شي. لېږل شوي ډرون الوتکې به د هلال کمېټې خبر نور هم باوري کړي، کوم چې د حضرت محمد (صلى الله عليه وسلم) خبره ده، "ترڅو چې د رمضان میاشت ونه وینئ روژه مه نیسئ، او ترڅو چې د شوال میاشت ونه وینئ روژه مه ماتوئ ، خو که اسمان وریځ وي، نو د اندازې پر بنسټ عمل وکړئ ."

د مالیې وزارت وايي، چې یوازې په سلواغې میاشت کې د هېواد له بېلابېلو ګمرکونو ۱۲۴ ټانکره بې‌کیفیته تېل بېرته مسترد شوي دي . مالیې وزارت پرون (پنج‌شنبه، د کب ۹ مه) په یوه خبرپاڼه کې ویلي، ددې وزارت د نفتي توکو د کیفیت او څارني ریاست، چې د ټاکل سویو معیارونو له مخي هیواد ته د واردېدونکو نفتي موادو کیفیت معلوموي، د روان ۱۴۰۳ کال د سلواغې په میاشت کې د هیواد له بېلابېلو ګمرکونو څخه ۱۲۴ ټانکره د ټیټ کیفیت لرونکي وارد سوي نفتي توکي بېرته مسترد کړي دي . سرچینې ویلي، په دغو نفتي توکو کې، چې د کیفیت له پلوه په معیار نه وو برابر، ( ۸۸) ټانکره ډیزل د فراه له ګمرک څخه، ( ۳۳) ټانکره ډیزل او ( ۳) ټانکره اوبلن ګاز د نیمروز ولایت له ګمرک څخه مسترد شوي دي . د یادولو ده، چي د مالیې وزارت ‏د نفتي توکو د کیفیت او څارني ریاست د ټاکل شويو معیارونو له مخې، هیواد ته د لوړ کیفیت او معیاري نفتي واردولو ته زمینه برابروي او په کلکه د بې کیفته نفتي موادو د واردولو مخنیوی کوي .

د چمپینز ټرافي یا اتلانو جام سیالیو کې د هېواد کرېکټ ملي لوبډله نن (جمعه، د حوت ۱۰ مه) د اسټرالیا سره سیالي کوي . دا لوبه به د کابل په وخت د ماسپښین په ۱:۳۰ بجه د پاکستان لاهور ښار د قذافي په لوبغالي کې ترسره شي . افغانستان تیره پنجشنبه انګلستان ته د اته منډو په توپیر ماتې ورکړه. د دې سیالۍ ګټونکي لپاره د نیمه‌پایلایي پړاو ته د لارې موندلو لپاره ضروري ده. افغان لوبډلې یوه ماته خوړلې او یوه لوبه یې ګټلي ده چې ۲ امتیازونه لري. که څه هم اسټرالیا په یوه بریا او یوه مساوي سره درې امتیازونه لري او د بی گروپ په دوهم مقام کې ځای لري .

په دوبۍ کې د طالبانو سرکونسل وايي، دغه پرېکړه له افغان سوداګریزو او په متحده عربي اماراتو کې مېشتو بهرنیو سوداګرو سره د اړیکو پیاوړتیا په موخه شوې ده . په دوبۍ کې د طالبانو سرکونسل عبدالرحمن فدا ویلي، په متحده عربي اماراتو کې به د افغانستان سوداګریزه اتشه ډېر ژر خپل فعالیتونه پیل کړي . په دوبۍ کې د طالبانوسرکونسل په دې هکله زیاته کړې چې دغه پرېکړه له افغان سوداګریزو او په متحده عربي اماراتو کې مېشتو بهرنیو سوداګرو سره د اړیکو پیاوړتیا په موخه شوې ده . د نوموړي په وینا، د طالبانو رییس‌الوزرا په اماراتو کې د سوداګریزې اتشې ګومارنه تایید کړې ده . په متحده عربي اماراتو کې سرکونسل عبدالرحمن فدا په دې هکله وايي:«د دوبۍ په کونسلګرۍ کې د سوداګریزې اتشې برخه شته، دلته دغه بست شته، فعالیت یې له ډېر وخت راهیسې روان وو او اوس هم روان دی؛ البته په اوس وخت کې موږ یو داسې ډیپلوماټ نه‌لرو، چې سوداګریزه اتشه یا د سوداګرۍ وزارت له خوا دلته ګومارل شوی وي .» ښاغلی فدا دغه‌راز وايي، چې د طالبانو او متحده عربي اماراتو د لوړ پوړو چارواکو ترمنځ پرله پسې ناستې شوي او د دغو ناستو په پایله کې به دوبۍ ...

له طبیعي پېښو سره د مبارزې چارواکي وايي، چې د افغانستان په دریو ولایتونو کې د وروستیو سختو بارانونو او ږلۍ له امله د مړو شمېر ۳۹ ته رسېدلی دی . د سې‌شنبې په ورځ په فراه ولایت کې سیلونو ۲۱ کسان یووړل، په داسې حال کې چې درې نور هغه مهال مړه شول، چې د ږلۍ طوفان د دوی کور ونړاوه . په هلمند ولایت کې شپږ تنه مړه شوي او په کندهار ولایت کې بیا سیلونو د ۹ تنو ژوند اخیستی دی . په افغانستان کې یو شمېرولایتونه، چې فراه ولایت هم پکې شامل دی ، له ۲۰۱۸ کال راهیسې له پرله پسې وچکالیو سره مخامخ دي . د طالبانو تر کنټرول لاندې د افغانستان د طبیعي پېښو د مدیریت د ملي ادارې ویاند، عبدالله جان سیاق، پرون (چهارشنبې) رسنیو ته وویل: «په ډېری ولایتونو کې بارانونه او واورې اوري، چې له کبله یې د وچکالۍ اندازه کمه شوې ده .» د سرومال له تاوانونو سره سره د وروستیو ورښتونو له کبله د وچکالۍ کمېدو او په راتلونکي کال کې د کرنیزو محصولاتو ښه کېدو ته هیلې زیاتې شوي دي .

د اوکراین جګړې د پایته‌رسېدو لپاره د سولې خبرو اترو د پیل په دوام، نړیوال بانک ویلي چې د دغه هیواد د بیارغونې لګښت د پروسږ کال له ۴۸۶ ملیارد ډالرو څخه تر اوسه پورې ۵۲۴ ملیارد ډالرو ته لوړ شوی دی . دغه بانک د ملګرو ملتونو، اروپايي کمیسیون او له اوکرایني حکومت سره په ګډه ارزونه کې پرون (سه شنبه، د حوت ۷ مه) اعلان کړی چې یوازې د پروسږ کال په پرتله د اوکراین د بیارغونې لګښت ۷ ٫ ۸۲ سلنه زیات شوی دی . د دې ارزونې د پایلو له مخې، د اوکراین د شخړېپه جریان کې د کور جوړونې، ترانسپورت، انرژۍ، سوداګرۍ او ښوونیزو سکتورونو ته تر ټولو ډیر زیان اوښتی او د اوکراین د انرژۍ زیربناوو باندې د روسیې د بریدونو له امله زیانونه هم ۷۰ سلنه زیات شوي دي . د نړیوال بانک په راپور کې دا هم ویل شوي چې په اوکراین کې له ۲ ٫ ۵ میلیون څخه ډیرې کورنۍ د روسیې له پوځي یرغل وروسته اغیزمنې شوې او د کورجوړونې سکتور هم پراخ زیان لیدلی دی، چې د ټولو اوکرایني کورونو ۱۳ سلنه یې زیانمن شوي یا په بشپړ ډول ویجاړ شوي دي . پر اوکراین د روسیې د برید په اړه دا معلومات د ۱۴۰۰ کال له حوت میاشتې څخه د ۱۴۰۳ کال تر جدې میاشتې ...

پاکستانۍ رسنۍ وايي، اسلام‌آباد د افغان پناه‌ غوښتونکو د بېرته ستنولو د پلان دویمه جوپه پیل کړې ده . د پاکستان رسنیو د دې هېواد د کورنیو چارو وزارت په حواله راپور ورکړی چې په دې مرحله کې به هغه افغان اتباع چې د افغانستان د تابعیت کارت (ACC) لري، خپل هېواد ته ستانه شي چې شاوخوا ۸۰۰ زره کسان چې اوس مهال په پاکستان کې مېشت دي اغېزمن کړي. همدارنګه د افغان وګړود لېږد اقدامات له اسلام‌آباد او راولپنډۍ څخه نهايي شوي دي. په اسلام‌آباد او راولپنډۍ کې افغان اتباعو ته تر ۳۱ مارچ پورې وخت ورکړل شوی چې ځانونه ځای پر ځای کړي . هغه پناه‌ غوښتونکي چې په دریم هېواد کې د بیا مېشتېدو په لټه کې دي، اجازه به ولري چې تر ۳۰ جون پورې په پاکستان کې پاتې شي. خو هغه کسان چې د بل هېواد ویزې ته په تمه دي، په اسلام‌آباد کې به د پاتې کېدو اجازه ونه لري . د پاکستان استخباراتي ادارې به هر ۱۵ ورځې وروسته د دې پروسې د تطبیق راپورونه د پاکستان د لومړي وزیر دفتر ته وړاندې کړي . د دې راپور پر بنسټ، هغه افغان وګړي چې تر سپتمبر میاشتې پورې د بل هېواد ویزه ترلاسه نه کړي، په پاکستان کې به د غیرقانوني مېشتو وګړو ...

د چمپینز ټرافي په اوومه لوبه کې نن اسټرالیا او سویلي افریقا د لوبې ډګر ته ښکته کیږي. هند او نیوزیلانډ نیمه پایلوبې ته ووتل، بنګله دېش او کوربه پاکستان له دې سیالیو ووتل . د اتلانو جام په اوومه لوبه نن (سه‌شنبه، د کب ۷ مه) اسټرالیا او سویلي افریقا  نن ماسپښین ۱:۳۰ بجه په راولپینډۍ کرکټ لوبغالي کې پیلیږي . د چمپینز ټرافي په شپږمه لوبه کې تېره شپه د نیوزیلانډ کرکټ ملي لوبډلې بنګله دیش ته په پنځه ویکټو ماتې ورکړه او د اتلانو جام نیمه پایلوبې ته یې لار وموندله . دا لوبه په راولپنډۍ کې ترسره شوه، د بنګله دېش لوبډلې لومړی توپ‌ وهنه وکړه او په ټاکلو ۵۰ اورونو کې یې د نهه لوبغاړو پر سوځېدو ۲۳۶ منډې جوړې کړې . نیوزیلانډ یاد هدف په ۴۶.۱ اورونو کې د پنځه لوبغاړو پر سوځېدو پوره کړ او د اتلانو جام نیمه پایلوبې ته یې لار پیدا کړه . باید وویل شي چې له دې پایلې سره هند هم نیمه پایلوبې ته لار وموندله، پاکستان او بنګله دېش له دې سیالیو ووتل . باید وویل شي چې افغانستان په اتلانو جام کې دوهمه لوبه راتلونکې چهار شنبې په ورځ د انګلستان ملي لوبډلې سره کوي، او خپله لومړنۍ لوبه یې د سویلي ...

(سې‌شنبه، د کب/ حوت ۷ مه) د افغانستان د هوا پېژندنې ریاست نن (سې شنبې) د هېواد په ۳۲ ولایتونو کې د ورښتونو وړاندوینه کړې ده . دغه ریاست پرون (دوشنبې) په یوه خبرپاڼه کې وویل چې په هلمند، هرات، ارزګان، زابل، کندهار، فراه، غور، بادغیس، جوزجان، بلخ، سرپل، فاریاب، بامیان، سمنګان، لوګر، میدان وردګ، کابل، غزني، دایکنډي، پکتیا، پکتیکا، خوست، پنجشیر، کاپیسا، پروان، کونړ، ننګرهار، لغمان، بدخشان، تخار، زابل او نورستان ولایتونو کې د سختو بارانونو او سېلونو اټکل کوي . په خبرپاڼه کې همداراز ويل شوي چې د هېواد په شمالي، لوېدیځو، جنوبي، ختيځو او مرکزي سيمو کې د سختو بادونو اټکل شوی، چې تېزوالی به يې په ساعت کې له ۵۰ څخه تر ۱۰۰ کيلومترو پورې وي . د هوا پېژندنې د ادارې په خبرپاڼه کې زياته شوې چې د دغو ولايتونو په بېلابېلو سيمو کې د واورې کچه له ۱۰ تر ۵۰ سانتي‌متره او د باران اندازه له ۱۵ تر ۵۰ ميلي‌متره پورې اټکل شوې ده . افغانستان، چې پر له پسې وچکالیو ځپلی، ډېرو ورښتونو ته اړتیا لري څو تر مځکې لاندې اوبو سطحه لوړه شي او له بلې خوا په دوبي د کرنیزو مځکو لپاره کافي اوبه برابرې شي .

افغان پانګه‌وال میرویس عزیزي په متحده عربي اماراتو کې ددغه هېواد له دولت سره ژمنه وکړه چې د ۳ میلیارد درهمو په ارزښت به یو معیاري طبي کمپلکس جوړوي. د دوبۍ واکمن ولاحضرت شیخ محمد بن راشد آل مکتوم د میرویس عزیزي او نورو پانګه‌والو د ستاینې په پار لویه غونډه رابللي وه تر څو هغه پانګه‌وال چې دوبۍ کې یې پانګونه کړې تشویق کړي. رابلل شوی کنفرانس دعربي نړۍ د هیلو معماران تر نامه لاندې رابلل شوی و. میرویس عزیزي پر خپله ایکس پاڼه لیکلي چې په دغه جوړېدونکي طبي کمپلیکس کې د سرطاني ناروغیو د څېړنې مرکز هم موجود دی. باید یاده شي چې په رابلل شوي کنفرانس کې په نورو هېوادونو کې د متحده عربي اماراتو د بشري مرستو ستاینه هم وشوه. دا په داسې حال کې ده چې څو ورځې وړاندې میرویس عزیزي کابل ته په خپل سفر سره په یوه لویه غونډه کې په روغتیايي سکټور او برېښنا برخه کې د پانګونې ژمنه وکړه.

لغمان کې د اطلاعاتو او کلتور وزارت مسوولینو اعلان کړی، چې د دغه ولایت په بېلابېلو برخو کې لسګونه لرغوني ځایونه کشف شوي دي . د اطلاعاتو او کلتور وزارت د مسوولینو په وینا، دا تاریخي ځایونه د اسلام څخه مخکې بودايي، موریایي او کوشاني دورو پورې اړه لري . د اطلاعاتو او کلتور وزارت د لرغونپوهنې مشر ذبیح‌الله سادات وویل چې دا تاریخي ځایونه په مهترلام، قرغي، علینګر او علیشنګ سیمو کې موقعیت لري. د هغه په ​​وینا، زیاتره دا ځایونه د اسلام څخه مخکې بودایي، موریایي او کوشاني دورو پورې اړه لري . د نویو کشفونو په رڼا کې، د اطلاعاتو او کلتور وزارت چارواکو د دې اثارو د ساتنې پر اهمیت ټینګار کړی او له اړوندو ادارو یې غوښتي چې د دې ځایونو د قاچاق او ویجاړولو د مخنیوي لپاره اړین اقدامات وکړي . لغمان د افغانستان یو له لرغونو سیمو څخه ګڼل کیږي، چې د تاریخ په اوږدو کې یې د مختلفو تمدنونو شاهدي ورکړې ده. دا ولایت د لرغونو لویو لارو په اوږدو کې موقعیت درلود او د بودايي او کوشاني دورو په جریان کې یو مهم کلتوري او سوداګریز مرکز ګڼل کېده. پخوا هم په لغمان کې ګڼ شمېر تاریخي اثار او لرغوني ځایونه کشف شوي دي،...

د امریکا دفاع وزارت پېنټاګون پلان لري چې دغه اوونۍ ۵۰۰۰ کارمندان له دندې ګوښه کړي. د امریکا دفاع وزارت یوې سرچینې ویلي چې پنټاګون خپل ۵ زره ۴۰۰ کارمندان له دندو وباسي .   رویټرز خبري اژانس د پنټاګون د یوې سرچینې په حواله راپور ورکړی چې دا اقدام د ډونالډ ټرمپ له لوري د فدرالي دولت د کاري ځواک د کمولو په موخه شوی دی . د رویټرز په راپور کې ویل شوي چې د امریکا د دفاع وزارت (پنټاګون) څخه د دومره شمېر کارمندانو د ایستلو لړۍ به راتلونکې اوونۍ پیل شي . د پنټاګون دې سرچینې همداراز ویلي چې یاد وزارت به له ۵ تر ۸ سلنې خپل کارمندان کم کړي، چې ډېری پکې غیرنظامي کسان شامل دي . تر دې مخکې هم د ډونالډ ټرمپ په نوې اداره کې پر «ایلان ماسک» تور پورې و چې ولسمشر ته د کاري ځواک د کمولو مشوره ورکوي . ایلان ماسک د پخواني ټویټر (ایکس) ټولنیزې شبکې مشر دی، او په تېرو څو کلونو کې په خپلو شخصي ادارو کې د کارمندانو د ډله‌ییزې ګوښه‌کېدنې تجربه لري .   د ویلو ده چې ایلان ماسک اوسمهال د ټرمپ په نوې اداره کې د اصلاحاتو پروسې مشر ټاکل شوی، او د هغه شتمني یوازې په دغه هېواد کې د ولسمشرۍ له ټ...

ایران تازه ۶ ایرانیان او ۲ افغانان اعدام کړي دي. په ایران کې د اعدامونو د دوام په اړه د بشر حقونو سازمانونه اندېښمن دي. په ناروې کې مېشتې د ایران د بشري حقونو ادارې “ایران هیومن رایټس” د راپور له مخې، ایران د دوو افغانانو په شمول ۸ تنه اعدام کړي دي . دا اعدامونه په قزل حصار زندان کې د چهارشنبې او پنجشنبې په ورځو شوي دي . د یادې ادارې پر اساس، دا کسان په جلا جلا قضیو کې د مخدره موادو اړوند جرمونو، وسله‌وال بغاوت، جنسي تیري او قتل په تور محکوم شوي وو . راپور زیاتوي چې دافغان اتباعو هویت نه دی افشا شوی ، خو معلومات ښيي، چې دوی د جنسي تیري په تور اعدام شوي دي . د بشري حقونو سازمان همداراز ویلي چې محمود براهوي، چې د زاهدان په بلوڅ توکم پورې تړاو لري، او حسین ساساني د پنجشنبې په ورځ اعدام شول . که څه هم د بشري حقونو ادارې د اته کسانو د اعدام راپور ورکړی، خو د ایران دولتي رسنیو یوازې د څلورو اعدامونو پخلی کړی، چې پکې یو د قتل او درې د جنسي تیري په تور محکوم شوي وو .   تر اوسه د ایران چارواکو د پاتې قضیو په اړه په رسمي ډول څه نه دي ویلي او نور جزییات یې نه دي خپاره کړي ....

په ۲۰۲۵ کال کې د متحده عربي اماراتو د نړیوال سافټویز په شاخص کې ۱۰ م مقام ساتلی دی. د دې هېواد ملي برانډ هم د ارزښت په لحاظ په ۲۰۲۵ کال کې ۱.۲۲۳ ټریلیونه ډالرو ته لوړ شو . دغه شاخص، چې د برانډ فایننس لخوا خپور شوی، ۱۹۳ هیوادونه د ۱۷۳,۰۰۰ څخه زیاتو سوداګریزو مشرانو، پالیسي جوړوونکو او د مدني ټولنې شخصیتونو له اندونو څخه په ګټه اخیستو سره ارزوي . متحده عربي امارات په څومهمو کټګوریو کې په غوره لسو هېوادونو کې دي، چې په دې کې د 'سوداګرۍ آسانتیا' په برخه کې دوهم، 'د راتلونکي ودې وړتیا او سخاوت' په برخه کې څلورم، 'پیاوړې او باثباته اقتصاد' په برخه کې اووم، او 'نړیوالې اړیکې' او 'په ډیپلوماتیکو کړیو کې د اغیز' له مخې په برخه کې نهم مقام لري . دا همدارنګه په 'فضا سپړنه کې پانګونه' کې لسم مقام لري . د متحده عربي اماراتو نائب رئیس او لومړی وزیر او د دوبۍ واکمن جلالتماب شیخ محمد بن راشد آل مکتوم تایید کړه چې د جلالتماب شیخ محمد بن زاید آل نهیان په مشرۍ متحده عربي امارات خپل نړیوال حضور ته پیاوړتیا ورکوي، دارنګه پراختیا او ثبات ته وده ...