افغان‌ناو خبري شبکه

د متحده عربي اماراتو د بهرنیو چارو وزارت په سیاسي چارو کې مرستیالې، لانا نسیبه، د افغان ښځو، نجونو او بشري حقونو لپاره د امریکا د متحدو ایالتونو ځانګړې استازې رینا امیري سره خبرې وکړې. دوی په دې لیدنه کې د افغانستان کې د ښځو او نجونو د وضعیت په اړه اندېښنه ښکاره کړې. د دواړو هېوادونو استازو وویل، د افغان مېرمنو او بې وزله افغانانو سره باید مرستې وشي. په دې لیدنه کې پر طالبانو غږ شوی چې د ښځو پر وړاندې اوسنی سیاست نرم کړي او دوی ته خپل حقوق ورکړي. طالبانو لا تر اوسه په دې اړه څه نه دي ویلي.

ځینې کسان له خوږو شیانو سره علاقه لري، خو دغه علاقه راکمېدلی هم شي خواږه او سره کړي خواړه سره له دې چې معدې ته زیان رسوي، د وزن په ډېرولو کې هم رول لري. که تاسې له خوږو او سره کړو خوړو ځانونه ونه ساتئ او علاقه ورسره کمه نه کړئ نو د وخت په تېرېدو به تاسې له ډول، ډول ناروغۍ سره مخامخ شئ. ایا تاسو غواړئ چې خپل ډېر وزن وبایلی او صحت من اوسئ؟ که ستاسو ځواب هو وي، نو اندېښنه مه کوئ، ځکه موږ یې دلته درته روښانه کوو، ځکه تاسو باید لومړی سره شوي او خواږه خواړه وپېژنی او وروسته یې بیا له خوړلو په داسې بڼه ډډه وکړئ چې وجود ته مو هم کوم زیان ونه رسېږي او لا سلامتیا تر لاسه کړی . خواږه خواړه هر هغه شي ته وايي چې بوره ورسره ګډه وي او خوند یې خوږ وي لکه میټايي، جلیبي، شریني، چاکلېټ، کیک، کلچې او ډېر داسې نور چې وجود ته زیان رسوونکي دي او ګټه ورته نه لري. پر دې سربېره سره کړي خواړه هغو خوړو ته وايي، چې تاسو یې په پیازو او غوړیو کې سره کوی. دا سره کړي خواړه معدې ته زیان رسوي او په وجود کې په هغه شکل نه هضمېږي لکه څه ډول چې وجود ورته اړتیا لري. کله چې سره کړي خواړه ډېر وخوړل شي، نو له یوې خوا وز...

ډېری داسې ناروغان پیدا کېږي چې بدن یې وینه کموي. ددې ناروغۍ یو شمېر لاملونه دي چې باید مخنیوی یې وشي. بل لور ته ددې ناروغۍ د له منځه وړلو لپاره ځینې علاجونه شته چې په یاده ناروغۍ اخته کسان یې باید وکړي او ځانونه وژغوري. په یوه تازه څېړنه کې موند شوي چې د انیمیا ناروغي په ځانګړې توګه په لویدیځه او مرکزي افریقا کې خپره شوې او د نړۍ په هرو څلورو کسانو کې یو یې اغیزمن کړیدی . د روغتیا د نړیوال سازمان په وینا کله چې په میرمنو کې د وینې د حجرو د موجودیت تمرکز د ١٢ ګرام نه کم وي، او په نارینه وو کې د ١٣ ګرام نه کم وي نو دا انیمیا یا د وینې کمښت بلل کیږي . د انیمیا ناروغه سیلویا انینګو وايي: “ زه فکرکوم چې زه انیمیا لرم ځکه چې زه د یو ماشوم د زیږون وروسته ژر بیا امیدواره شوم ، او د ګټورو خوړو وس هم نه لرم .” میندې له زیږون وروته باید کوم خواړه وخوري؟ د انیمیا بله ناروغه مریم کیتا وايي: “زه نشم کولای د خپلې وینې کچه پوره کړم ځکه چې زه په بدن کې د کافي وینې د لرلو لپاره سبزیجاتو ته اړتیا لرم، او همدارنګه کله چې زه ماشوم وزیږوم، زه به نورو زیاتو صحي خوړو ته ضرورت ولرم .” د روغتیا پوه...

طالب پلوی قوماندان عبدالحمید خراساني د طالبانو لخوا نیول شوی او کسان یې بې وسلې شوي دي سیاسي کارپوهان وايي، د عبدالحمید خراساني نیول کېدل او د کسانو بې وسلې کول یې د ملي یووالي لپاره سم کار نه دی بللی او ویلي یې دي چې کېدای شي، د هغه نیونه به د طالبانو لپاره په راتلونکې کې ښې پایلې ونه لري. خراساني له نیول کېدو مخکې رسنیو ته وویل، چې د طالبانو نظامي کمېسیون نوموړی په یوه خونه کې بندي کړی او په ده پورې اړوند کسان یې هم بې وسلې کړي دي . خراساني څه ډول ونیول شو؟ د طالبانو په اداره کې امنیتي سرچینې بیا وایي، چې په دې اړه معلومات نه لري . خراساني ویلي، چې په کابل کې د طالبانو نظامي کمېسیون د پنجشنبې په ورځ لومړی هغه احضار او وروسته یې بیا کلا بند کړ . د نوموړي په وینا؛ طالبانو د ده ټول کسان بې وسلې کړي او دی یې د نظامي کمېسیون په دفتر کې نیولی دی . عبدالحمید خراساني د طالبانو یو جنجالی قوماندان دی . هغه پر افغانستان د طالبانو د واکمنۍ په لومړیو ورځو کې په پنجشیر ولایت کې د یادې ډلې د امنیت امر و او تر هغه وروسته بیا د پکتیا ولایت د احمد اباد ولسوالۍ ولسوال شو؛ خو خراساني له یادې ولسوالۍ څخ...

د اسلامي همکاریو سازمان له طالبانو غوښتي چې د نجونو زده‌کړو او بشري حقونو ته پام واړوي د اسلامي همکاریو سازمان ځانګړي استازي د پنجشنبې په ورځ د دغه سازمان د ۵۰ مې ناستې په څنډه کې د طالبانو د بهرنیو چارو له وزیر سره په لیدنه کې یاده کړې چې افغان ښځو او نجونو ته د زده‌کړو او کار بندیز ته له سره کتنه وکړي او افغانستان کې بشري حقونو ته پام وکړي . د اسلامي همکاریو سازمان د پنجشنبې په ورځ د (زمري اتمه) د یوې خبرپاڼې په خپرولو سره ویلي، د دغه سازمان ځانګړي استازي طارق علي بخیت د طالبانو د بهرنیو چارو له وزیر امیرخان متقي سره د یاد سازمان د ۵۰ مې ناستې په څنډه کې لیدلي . په خبرپاڼه کې راغلي چې ښاغلي بخیت له طالبانو غوښتي چې په افغانستان کې د نجونو او ښځو د زده‌کړو او کار د بندیز په اړه له سره کتنه وکړي . د اسلامي همکاریو سازمان له طالبانو څخه د افغانو ښځو او نجونو د کار او زده‌کړو په اړه داسې مهال د بندیز لرې کولو غوښتنه کوي چې طالبانو په دې وروستیو د امربالمعروف وزرات په اډانه کې نوی قانون جوړ کړی چې له مخې یې په ښځو بې شمېره نوي بندیزونه لګول شوي دي . د دغه سازمان په خبرپاڼه کې دا هم یاده ش...

دغه طالب پلاوی به په ترکمنستان کې د رېل‌پټلۍ او ټاپي پروژو په اړه له اړونده چارواکو سره خبرې وکړي د طالبانو د کانونو او پټرولیم وزارت سرپرست وزیر هدایت الله بدری پرون (چهارشنبې) د یوه پلاوي په مشري ترکمنستان ته لاړ . د طالبانو د کانونو او پیترولیم وزارت ویندوی همایون افغان په یوه پوسټ کې وویل چې پلاوی به د ترکمنستان په پلازمینه عشق اباد ښار کې له ترکمن چارواکو سره وګوري . د دوه اړخیزو همکاریو پراختیا په دې کتنو کې به د ټاپي پروژې په اړه د دوه اړخیزو همکاریو د پراختیا، د ریللارې د پروژو او همداراز په افغانستان کې د ټاپي(ترکمنستان- افغانستان- پاکستان-هند ) د پایپ لاین د چارو د عملي پیل په اړه خبرې وشي . تر دې یوه ورځ وړاندې (سې شنبې) د طالبانو د بهرنیو چارو سرپرست وزیر امیر خان متقي وویل چې د ټاپي پروژې د اجرا لپاره چمتووالی وروستي پړاو ته رسیدلی او عملي کار به یې ډیر ژر پیل شي . متقي په کابل کې یوې غونډې ته په وینا کې وویل چې د ټاپي پروژه د اقتصادي ګټو تر څنګ د افغانستان لپاره مثبتې سیاسي پایلې لري . پر ټاپي پروژې سربیره، د افغان-ترکمن اقتصادي دهلیز او له ترکمنستان سره د ن...

طالبانو له پاکستان غوښتي، د ولاړو لاریو په اړه پلټنه وکړي او له تورخم د تېرېدو زمینه ورته برابره کړي نږدې لس ورځې کېږي چې د تورخم هاخوا د یوې ډلې د افغان سوداګرو تر ۲۰۰۰ ډېرې لارې درولي چې له امله یې دغه سوداګر هره ورځ تاوان ګالي. په اسلام اباد کې د طالبانو سفارت وايي، له تېرې یوې اوونۍ راهیسې د پېښور- تورخم پر لاره د تازه مېوو او سبو شاوخوا دوه زره لارۍ درول شوې، چې افغان سوداګرو ته یې میلیونونه ډالر زیان اړولی دی. د طالبانو سفارت دغې مسلې ته د پاکستان د «جدي پاملرنې» غوښتنه کړې ده. خو پاکستان تر دې مهاله په دې اړه څه نه دي ویلي. سفارت ویلي، دې چې دغه لارۍ د «خیبر درې» په سیمه کې د یو شمېر کسانو له لوري درول شوې دي. په اسلام اباد کې د طالبانو سفارت په خپله اېکس پاڼه لیکلي چې د لاریو درول افغان سوداګرو ته میلیونونه ډالره زیان اړولی دی. طالبانو ویلي، چې په دې اړه یې څو ځلې له پاکستاني چارواکو سره خبرې کړې، خو تر اوسه پورې یاده ستونزه نه ده حل شوې. دا لومړی ځل نه دی، بلکې له دې وړاندې هم پاکستان د افغان سوداګرو په وړاندې خنډونه رامنځته کړي او په میلیونونو ډالره زیان یې ور اړولی دی.  ...

د پاکستاني رسنیو د راپور له مخې له افغانستان سره د پاکستان سوداګري ٪۹۵ راکمه شوې ده پاکستاني رسنۍ د خپل هیواد د چارواکو په قول وايي چې د ۲۰۲۳- ۲۰۲۴ مالي کال په لړ کې د پاکستان او افغانستان ترمنځ د ترانزیت سوداګري ۵۹ سلنه کمه شوې ده . د جزئیاتو له مخې، له پاکستان څخه د افغانستان واردات د ترانزیت په دهلیزونو کې د قاچاق د مخنیوي لپاره د فدرالي حکومت د اقداماتو له امله د پام وړ کم شوي دي. په ۲۰۲۳-۲۴ مالي کال کې تر ۴.۲۱ ملیارد ډالرو پورې کموالی راغلی دی . په دې موده کې د افغانستان د ترانزیت سوداګرۍ حجم ۲.۸۹ میلیارده ډالره وو، چې د تېر مالي کال ( ۲۰۲۲-۲۳) پرتله ۷.۹۵ میلیارده ډالر کم وو . تر نوي مالي کال ددغه کمښت دوام د ۲۰۲۴ په جولای کې په سوداګرۍ کې په کال کې ۸۳ سلنه کمښت راغی، یعني له ۵۹۳ میلیون ډالرو څخه چې د ۲-۲۳ په جولای کې و، یوازې ۹ میلیون اعشاریه ۸ ته ټیټ شو . د پاکستان د سوداګرۍ فورم (پی بی ایف) د مرستیال احمد جواد په وینا، د پاکستان او افغانستان ترمنځ د سوداګرۍ حجم له ۲۰۱۰ کال څخه تر ۲۰۲۰ کال پورې له ۱.۵ میلیارد ډالرو څخه په ۲۰۲۰ کال کې یوازې ۸۷۰ میلیون...

نن د ۲۰۲۴ کال د اګست ۲۸مه د متحده عربي اماراتو د ښځو ورځ ده په عربي متحده اماراتو کې دغه ورځ هر کال د اګست په ۲۸ مه نېټه نمانځل کېږي. دغو اماراتي مېرمنو په عربي متحده اماراتو کې ددغه هېواد د دولت رئیس جلالتمآب شیخ محمد بن زاید، وزیرانو او دولتي دستګا په نېغ ملاتړ د ښځو د حقونو د ترلاسه کولو لپاره ګڼې هلې ځلې کړي او په دې برخه کې یې د پام وړ کار کړی دی. د اماراتو دولت ښځو ته ډیپلوماټیکو او نورو لوړو بستونو په کچه ښځو ته واک ورکړی تر څو د نارینوو په څېر بشریت ته خدمت وکړي. دغه هېواد په بهرنیو چارو، نورو علمي، تخنیکي او ستراتیژیکو ادارو کې مېرمنې په دندو ګومارلي او خپل هېواد ته خدمت کوي. په خیریه او نورو بنسټونو کې د ښځو ونډه  اماراتي میرمنو په متحده عربي اماراتو کې د مشرتابه لخوا هڅول شوي او د هیواد د بنسټ ایښودونکي پلارمرحوم شیخ زاید بن سلطان ال نهیان لخوا ورکړل شوی واک او حق یې په ښه ډول ترسرهکړی دی . د اماراتو ښځو د ټولو دندو په ترسره کولو، د فرصتونو په رامنځته کولو او ننګونو ته په سیمه ییزه او نړیواله کچه په لاسته راوړنو بدلولو کې خپله وړتیا ثابته کړې ده. دلته به یو م...

  امریکا او تاجکستان پرېکړه کړي چې د افغانستان اړوند الوتکې به طالبانو ته تسلیم نه کړي د امریکا او تاجکستان دغه پرېکړې ته د طالبانو تر واک لاندې دفاع وزارت غبرګون ښوولی او ویلي دي دي چې دغه پرېکړه ورته د منلو وړ نه ده. دوی وايي، دا ډول معامله او پرېکړه ورته د منلو نه ده. د طالبانو دفاع وزارت وایي، چې په ازبکستان کې د افغانستان اړوندو الوتکو او چورلکو د برخلیک په اړه هېڅ ډول معامله نه مني . امریکا او تاجکستان باید له دې پرېکړه په شا شي دغه وزارت د یوې خبرپاڼې په خپرولو سره ویلي، چې امریکا د افغانانو د شتمنیو د مصادرې او ډالۍ کولو حق نه لري . په خبرپاڼه کې د طالبانو د دفاع وزارت د ازبکستان له حکومته غوښتي، چې په دې برخه کې له امریکا سره له هر ډول راکړې ورکړې ډډه وکړي . د طالبانو د دفاع وزارت زیاته کړې، چې ازبکستان باید د ښه ګاونډي په توګه د افغانستان د هوايي ځواکونو د الوتکو او چورلکو په تسلیمولو کې همکاري وکړي . دغه وزارت تر هغه وروسته په دې اړه غبرګون ښودلی، چې امریکا او ازبکستان هوکړه کړې، چې د افغان پېلوټانو له‌خوا ازبکستان ته وړل شوې پوځي ۴۶ چورلکې او الوتکې په م...

ټولنیزې رسنۍ د منفي اړخونو تر څنګ مثبتې اغېزې هم لري د ټکنالوژۍ اوسني عصر کې هر کس کېدای شي، له ټولنیزو رسنیو سره بوخت وي. ډېری څېړنو ښودلي چې ټولنیزو رسنۍ د وخت ضایع او له ځوان کهول اساسي موخې ګډوډوي، خو ددې تر څنګ مثبت اړخونه هم لري چې موږ به پر هغو اړخونو تم شو او په دې لیکنه کې به ورباندې بحث وکړو. موږ به هڅه وکړو چې د ټولنیزې میډیا هغه مثبت اړخونو بحث کړو چې تر نورو ډېر مهم او د ټولنې په ګټه دي. د هر وسیلې کارول مثبت او منفي اړخونه لري، خو مهم داده چې یو څوک د خپلې موخې د تر لاسه کولو لپاره پر مثبتو اړخونو تمرکزوکړي ، نه په منفي اړخونو. په رواني روغتیا د ټولنیزو رسنیو مثبت اغېز تاسو به احتمالا هغه انتقادونه اوریدلي وي چې ټولنیزې رسنۍ زموږ د رواني روغتیا لپاره مضرې دي، د حسد، کینې او په یوازیتوب کې پر ځان د باور نه لرلو لامل کیږي. او هو ، دا امکان لري چې د ټولنیزو رسنیو ډېر کارول ذهني ستونزه رامنځته کړي او یو ډول ذهني ناارامي ورسره مل کړي. خو څېړنې وايي، که د ټولنیزو رسنیو په کارولو کې تعادل وي، نو د یو چا د رواني روغتیا لپاره ګټورې تمامېدلی شي. د مثال په ډول، یو څوک په یوازیتوب ک...

استاد علي احمد جلالي د طالبانو نوی قانون د افغانستان لپاره شرم بولي او وايي، دوی ښځې بندیانې کوي هاخوا نور کارپوهان وايي، د طالبانو د امربالمعروف نوی قانون ښيي، چې طالبانو په ۲۰۲۴ کال کې د نوي یمې لسیزې حالت د رامنځته کولو هڅې کوي. د کورنیو چارو پخواني وزیر علي احمد جلالي د طالبانو نوی توشیح شوی قانون «شرموونکی» وباله او ویې ویل چې دا په عملي توګه په هېواد کې د ښځو زنداني کول دي . هغه وویل، «دغه قانون وښودله چې په فکري لحاظ د داعش او طالبانو ترمنځ توپیر نه شته .» طالبان ځانونه د حنفي فقهې پیروان ګڼي او داعش ته «خوارج» وايي. داعش سلفي ذهنیت لري. دواړه ډلې له کلونو راهیسې په افغانستان کې په جګړه بوختې دي . په افغانستان کې د داعش په اړه طالبان په افغانستان کې د داعش د له منځه وړلو ادعا کوي. خو نړۍوال سازمانونه وايي چې داعش په افغانستان کې پياوړی شوی او د منځنۍ اسیا هېوادونو او ایران ته د ننوتلو په لټه کې دی . علي احمد جلالي، چې د امریکا د ملي دفاعي پوهنتون استاد دی، د یکشنبې په ورځ په ایکس پاڼه لیکلي چې د طالبانو نظریه کولی شي «ځوانان په سیمه او نړۍ کې په تاوتریخجنو سخت دریځ...