افغان‌ناو خبري شبکه

د پاکستان د کرکټ نوي کپتان سلمان علي اغا په داسې حال کې د خپل ټیم مشري کوي چې لوبډله یې د بدلون په حال کې ده، خو داسې ښکاري چې هغه لا هم پر خپل ټیم پوره باور لري . د اسیا جام سیالیو ته د چمتووالي په موخه په عربي اماراتو کې په یوه خبري کنفرانس کې، د پاکستان کپتان سلمان اغا د یوه خبریال د تبصرې په ځواب کې په یوې معنی لرونکې مسکا سره غبرګون وښود. خبریال وویل چې افغانستان اوس د اسیا دویم غوره ټیم دی . دا تبصره وروسته له هغه وشوه چې پاکستان په دې وروستیو کې په شل اوریزو سیالیو کې کمزورې پایلې لرلې. په ځانګړې توګه د ۲۰۲۴ کال په نړیوال جام کې د امریکا پر وړاندې د دوی ماتې او د افغانستان د کرکټ ملي لوبډلې نیمه پایلوبې ته رسېدل، د دې لامل شول چې شنونکي د اسیا کرکټ په درجه بندۍ کې د بدلون خبره وکړي . د سلمان اغا دا ځوابيمسکا، چې د کم اهمیته ګڼلو په مانا تعبیر شوې، د اسیا جام له پیل څخه مخکې د دواړوهېوادونو ترمنځ روانې سیالۍ ته نور هم شور ورکړی دی. که څه هم پاکستان د بیارغونې په پړاو کې دی، خو د کپتان دا غیر لفظي ځواب ښيي چې دوی لا هم ځان د اسیا په سر کې ګڼي . اوس به دا په ډاګه شي چې ای...

پولیسو په بلغاریا کې د ۲۴ افغان پناه‌ غوښتونکو د نیول کېدو خبر ورکړی دی چې د ترکیې پولې ته څېرمه په یوه لارۍ کې انتقالېدل. چارواکي وایي، دغو کسانو د اروپا نورو هیوادونو ته د تېرېدو لپاره قاچاقبرو ته زرګونه یورو ورکړي وو او د سختې ستړیا ترڅنګ په بد جسمي وضعیت کې ول . د بلغاریا رسنیو اعلان کړی چې پولیسو د ترکیې پولې ته نژدې یوه لارۍ درولې او ۲۴ افغان پناه‌ غوښتونکي یې نیولي دي . د راپورونو له مخې، ډېری پناه‌ غوښتونکي د اوبو له کمښت او بې‌حالۍ سره مخ وو چې له لومړنیو طبي پاملرنو وروسته د اصلي کډوالو مرکز ته ولېږدول شول . د بلغاریا رسمي خبري اژانس خبر ورکړی چې موټر چلوونکي د پولیسو د درېدو امر ته پام ونه کړ، موټر یې له کنټروله ووت، له څو پارک شویو موټرو سره ټکر شو او بیا یې د تښتېدو هڅه وکړه، خو پولیسو هغه له یوه بل کس سره، چې د ده همکار و، او دواړه د بلغاریا اوسېدونکي دي، ونیول . د یو افغان پناه‌ غوښتونکي په وینا، هر کس له ترکیې څخه بلغاریا ته د ناقانونه لېږد لپاره قاچاقبرو ته شاوخوا څلور زره یورو ورکړي وو . بلغاریا له ترکیې سره د ګډې پولې له امله د اروپايي اتحادیې هیوادونو ته...

په انځور وینئ چې دا په تورخم کې پاکستاني لوري ته د افغانانو د پاسپورټ چک، کنټرول او ثبت شعبه ده . په دې تړاو خواله رسنیو کې خپرې شوې ویډیو پراخ غبرګونونه پارولي دي . په ویډیو کې پاکستاني اداري کارکوونکي او پولیس افغان مسافرو او پاسپورټ ته بې احترامي کوي . تورخم کې دواړو غاړو ته تلونکي افغان مسافر تل د پاکستاني پولیسو او اداري کارکوونکو له ناسم چلند شکایتونه کوي . دیني عالم رحمت الله اندړ دې ویډیو ته غبرګون ښودلی او ویلي یې دي، چې طالبان او پاکستان دواړه د افغانان «تذلیلولو» او «تحقیرولو» کې سره یو لاس دي . پر فېسبوک په زیات شمېر افغان فعالانو هم د پاکستان دا چلند سپکاوی بللی او غوښتنه یې کړې، چې د دې چلند مخه باید ونیول شي . بل خوا افغانان شکایتونه کوي، چې د پاکستان ویزې د عاجلو کارونو او ناروغانو لپاره په لوړو پیسو له دوو تر درېیو میاشتو موده کې هم نه شي ترلاسه کولای . خو څو ورځې وړاندې بلوچستان کې د طالبانو قونسل، احمد حبیب ناصر وویل، چې پاکستانیانو ته یې د افغانستان ویزو ورکړه آسانه کړې او کولای شي دوو ساعتونو کې یې ترلاسه کړي . هغه ویلي وو، چې دغلته هره ورځ شاخوا ۶۵...

په خوست او ننګرهار ولایتونو کې ځايي اوسیدونکي وايي چې بې پېلوټه او جنګی الوتکو د خلکو پر کورونو بمباري کړې او ملکیانو ته یې مرګ ژوبلې اړولي دي . د ننګرهار ولایت په شینوارو کې بې پیلوته الوتکې د شینوارو ولسوالۍ په ۲۸ ویاله سیمه کې پر یوه کور بریدونه کړي دي . سرچینې وایي، چې په برید کې دوه ماشومان ټپیان شوي او د بېړنیو روغتیایي خدماتو لپاره د غني خېلو روغتون ته لېږدول شوي دي . د خوست ولایت سپیرې ولسوالۍ اوسیدونکو ویلي چې بې پیلوټه الوتکو په دې ولسوالۍ کې یو شمیر کورونه بمباري کړي دي. د ځینو سرچینو په وینا په دې برید کې دوه ماشومان وژل شوي او ۶ تنه نور ټپیان شوي دي . ویل کېږي چې د کونړ په دانګام ولسوالي کې هم بمباري شوې خو له کبله یې د مرګ ژوبلې او تاوانونو په اړه کوم راپور لا نه دی ترلاسه شوی . د دوی په وینا، تېر ماخوستن په دې بمبارۍ کې خلکو ته مرګ ژوبله هم اوښتې ده. خو د دې لپاره چې بمباري د شپې په تیاره کې شوې، د مرګ ژوبلو دقیق شمېر نه معلومېږي . د طالبانو حکومت تراوسه په دې اړه څه نه دي ویلي .

طالبانو په یوه بې ساري اقدام کې د افغانستان له پوهنتونونو څخه ۱۸ کلیدي مضمونونه حذف کړل. دغه راز، د ۶۶ نورو مهمو مضمینو تدریس یې تر "اصلاحاتو" پورې وځنډاوه. دا پرېکړه د افغانستان د لوړو زده کړو پر راتلونکي یو پرېکنده ګوزار دی . د عصري پوهې سیستماتیک حذف حذف شوي مضمونونه لکه د افغانستان اساسي قانون، د ښځو ټولنپوهنه، ښه حکومتولي، بشري حقونه او ډیموکراسي، د عصري دولت جوړونې او ټولنیز فکر بنسټونه دي. طالبان دغه مضامین له خپلې ایډیالوژۍ سره په ټکر کې بولي او په حذفولو سره یې غواړي د زده کړو محتوا په بشپړه توګه بدله کړي . ۱ . اکاډمیکه انزوا : دا اقدام افغانستان له نړۍ څخه په علمي ډګر کې په بشپړه توګه ګوښه کوي. د نړیوالو اړیکو، نړیوال قانون او امنیت په څېر مضمینو محدودول، داسې نسل روزي چې د نړۍ له اوسني نظام او ډیپلوماسۍ څخه به ناخبره وي . ۲ . د اداري او سیاسي متخصصینو تشه : د ښې حکومتولۍ او مدنيټولنې په څېر مضمینو په لرې کولو سره، طالبان عملاً د راتلونکي نسل څخه د یوهکارنده او ځواب ویونکي دولت د جوړولو وړتیا اخلي. دا کار به د اداري او سیاسي متخصصینو یو لوی تشی رامنځت...

د کاسا- ۱۰۰۰ د برېښنا لېږد سیمه ییزه پروژه، چې له کلونو ځنډ وروسته بیا پیل شوې، د افغانستان لپاره یو ستراتیژیک پرمختګ دی. د طالبانو تر کنټرول لاندې د برښنا شرکت اعلان کړی چې د دې پروژې عملي کار په دریو سیمو کې پیل شوی او تمه ده چې په دوو کلونو کې بشپړ شي . اقتصادي ګټې او فرصتونه دا پروژه یوازې د برېښنا د کمښت ستونزه نه حلوي، بلکې د پام وړ اقتصادي ګټې هم لري. افغانستان به د دې پروژې له ۱۰۰۰ میګاواټه برېښنا څخه ۳۰۰ میګاواټه ترلاسه کړي. دا به د کابل او ختیځو او سویلي ولایتونو د برېښنا ستونزې د پام وړ کمې کړي . سربېره پر دې، افغانستان به د ترانزیټي حق له درکه هر کال شاوخوا ۵۰ میلیونه ډالره عاید ترلاسه کړي. دا عاید به د هېواد لپاره یو ثابت او مهم مالي سرچینه وي. د پروژې د پخوانیو پورونو تادیه او د نویو مالي سرچینو تامین د نړیوالو ملاتړو له لوري د دې پروژې د اقتصادي اهمیت ښکارندويي کوي . ستراتیژیک او سیاسي اهمیت د کاسا- ۱۰۰۰ پروژه د اقتصادي ګټو ترڅنګ ژور ستراتیژیک او سیاسي اهمیت هم لري. دا پروژه افغانستان د منځنۍ اسیا او سویلي اسیا ترمنځ د انرژۍ د نښلوونکي پل په توګه مطرح کو...

د طالبانو حکومت په یوې بې سارې پرېکړه کې، د افغانستان په شمال ختیځ کې د واخان پر ستراتیژیک دهلېز د امریکايي او پاکستاني وګړو پر تګ راتګ بندیز ولګاوه. دغه پرېکړه، چې په رسمي توګه د "امنیتي اندېښنو" له امله شوې، د افغانستان په سیمه ییزو اړیکو او جیوپولیټیک وضعیت کې د یوه نوي فصل پیلامه ګڼل کېږي . د پرېکړې مستقیم لاملونه دا اقدام په مستقیمه توګه له پاکستان سره د پولې د ترینګلتیا له زیاتوالي سره اړیکه لري. په دې وروستیو کې، د پاکستان پوځ ته نږدې ځینو ټولنیزو رسنیو داسې ګواښونه خپاره کړل چې ګواکې پاکستان به منځنۍ اسیا ته د لاسرسي لپاره د واخان دهلېز ونیسي. د طالبانو دا پرېکړه د دغو ګواښونو پر وړاندې یو مستقیم او سخت ځواب ګڼل کېږي، چې موخه یې د خپلې خاورې د حاکمیت ټینګول دي . د واخان ستراتیژیک ارزښت واخان دهلېز یوازې یوهغرنۍ سیمه نه ده، بلکې د خپل ځانګړي جغرافيايي موقعیت له امله ځانګړی ارزښت لري.دا تنګ دهلېز افغانستان له چین سره نښلوي او د منځنۍ اسیا هېوادونو ته د یوې مهمې دروازې په توګه کار کوي. پر دې سیمې کنټرول نه یوازې د افغانستان، بلکې د چین، پاکستان او د منځنۍ اسیا د...

د متحده عربي اماراتو د پرله‌پسې هڅو له امله روسیه او اوکراین دې ته تیار شول چې د ۱۴۶ بندیانو تبادله وکړي د روسیې دفاع وزارت اعلان کړی، چې دوی د خپلو ۱۴۶ سرتېرو په بدل کې د ۱۴۶ اوکرایني سرتېرو تبادله ترسره کړې ده .   تاس خبري اژانس راپور ورکړی، چې روسیې د خپلو ۱۴۶ سرتېرو په بدل کې د ۱۴۶ اوکرایني سرتېرو تبادله ترسره کړې ده . راپور زیاتوي، چې روسي سرتېري له اوکراین څخه بیلاروس ته لیږدول شوي دي . له دې سره د روسیې دفاع وزارت هم اعلان کړی، چې د کرسک سیمې اته تنه اوسېدونکي چې په اوکراین کې نیول شوي وو، هم خوشې شوي دي . د دغه وزارت په وینا، روسي سرتېري د خوشې کېدو وروسته بیلاروس ته لیږدول شوي، بېلاروس کې به دوی بهرواني او طبي پاملرنه ترلاسه کړي. او دوی به بیا د درملنې او بیارغونې لپاره روسیې ته راستانه شي . دغه تبادله د متحده عربي اماراتو په منځګړیتوب ترسره شوې، او همداراز مسکو ي اماراتو څخه د تبادلې په برخه کې د منځګړي په توګه د رول لوبولو لپاره مننه وکړه . باید وویل شي چې روسیې او اوکراین تر دې وړاندې هم د خپلو نیول شویو کسانو تبادله ترسره کړې وه . د اوکراین پر جګړې ...

د طالبانو حکومت له یوه اوږده ځنډه وروسته د ملکی او پوځی متقاعدانو د اسنادو له تایید وروسته د تقاعد معاشونو ورکړه بېرته پیل کړې ده . د مالیې وزارت اعلان کړی چې د طالبانو د مشرتابه په مستقیم امر د ټول افغانستان په کچه د ملکی او پوځی تقاعد شویو کسانو د تقاعد معاشونه بېرته پیل شوي دي. دا پروسه یوازې هغو کسانو ته تطبیقېږي چې اسناد یې د ځانګړې محکمې له خوا تایید او منظور شوي وي . د مالیې وزارت د تقاعد صندوق عمومي رئیس محمد رحماني، ویلي چې د معاشونو ورکړه به د ځانګړي مهالویش له مخې په ټول هېواد کې عملي شي .   نوموړي ټینګار کړی چې یوازې هغه تقاعد شوي کسان به خپل معاشونه ترلاسه کړي چې رسمي اسناد یې تایید شوي وي، څو د شفاف او منظم وېش پروسه ډاډمنه شي . په اوسني لیست کې هغه تقاعد شوي کسان شامل دي چې د ملي ستندرد ادارې، د بیړنیو حالاتو ریاست، د شهیدانو او معلولینو وزارت، د بدني روزنې ریاست، د اداري اصلاحاتو کمېسیون، د اقتصاد وزارت، د چاپېریال ساتنې ریاست او د پخواني ملي امنیت شورا دفتر پورې تړلي وو . طالبانو د تقاعد معاشونه بند کړي وو، ځکه چې د دوی په وینا د تقاعد شویو کسانو د اسنادو...

د طالبانو د حکومت څلور ديپلوماتان د سویس د حکومت په بلنه د هغو افغانانو د پېژندنې لپاره جینیوا ته تللي چې په جرمونو محکوم شوي دي. د سویس دولتي تلویزیون د جمعې په ورځ ناوخته د خپل هیواد د چارواکو په قول وویل، دا اقدام «حساس خو ضروري» دی. دې رسنۍ پرته له دې چې د سفر کره نېټه وښيي، ویلي چې د طالبانو ديپلوماتان «څو ورځې مخکې» جینیوا ته تللي وو. د سویس دولتي تلویزیون د سویس د دولتي کډوالۍ ادارې د ویندوی پر اساس وویل چې د طالبانو پلاوي دوه ورځنی ماموریت افغانستان ته د یوولسو محکومو کسانو او دوو نورو کسانو د   ستنېدو لپاره ترسره شوی دی. د سویس د کډوالۍ ادارې ویاند، دانیل باخ، ویليدا کار د سفر د اسنادو د صادرولو لپاره اړین و ، ځکه طالبان یوازې هغه اسناد مني چې د دوی د خپلو چارواکو له لوري صادر شوي وي او د برن په ښار کې د افغانستان د استازولۍ نور اسناد اعتبار نه لري. د سویس چارواکي وايي د طالبانو پلاوی د خپل حضور پر مهال د جینیوا له هوايي ډګر څخه بهر نه دی وتلی او یوازې د پېژندنې کار یې ترسره کړی. د کډوالۍ ادارې په وینا، ډېری کسان، چې مطلوب ول، پېژندل شوی او د هغوی د بېرته لېږلو چار...

د طالبانو ویاند ذبیح الله مجاهد د ملګرو ملتونو هغه راپور رد کړ چې ګواکي افغانستان کې ترهګرې ډلې موجودې دي. د طالبانو ,ویندوی ذبیح الله مجاهد په افغانستان کې د ترهګرو ډلو د فعالیتونو په اړه د ملګرو ملتونو د امنیت شورا اندېښنې رد کړې. هغه وویل، په اوس وخت کې هېڅ ترهګره ډله په افغانستان کې نه شته . مجاهد د داعش موجودیت په هېواد کې رد کړ او زیاته یې کړه چې دا ډله ځپل شوې او له منځه وړل شوې ده . د طالبانو ویاند ټینګار وکړ چې د افغانستان خاوره د هېڅ هېواد پر ضد نه کارول کېږي. نوموړي د پاکستان ادعاوو ته په اشارې وویل چې هېوادونه دې خپلې ستونزې له افغانستان سره نه تړي . د پاکستان استازي په ملګرو ملتونو کې وویل، په افغانستان کې مېشتې ترهګرې ډلې، په ځانګړي ډول تحریک طالبان پاکستان (TTP) چې شاوخوا شپږ زره جنګیالي لري، د پاکستان د ملي امنیت او د سیمې د ثبات لپاره «تر ټولو ستر او عاجل ګواښ» دي. عاصم افتخار احمد د امنیت شورا په غونډه کې ټینګار وکړ چې ترهګري د پاکستان لپاره یو جدي او عاجل خطر دی . د ترهګرۍ ضد چارو کې د ملګرو ملتونو د سرمنشي مرستیال ولادیمیر ورونکوف، هم وویل چې داعش د سیمې ...