افغان‌ناو خبري شبکه

د ا.ا د صنعت او سوداګرۍ وزارت اعلان وکړ، چې د بیروج یو زر او ۲۰۳ کیلوګرامه قیمتي او نیمه قیمتي ډبرې په رسمي داوطلبۍ کې د ۱۶۱.۱ میلیون افغانیو په ارزښت پلورل شوي دي . د قیمتي ډبرو سوداګرو د اتحادیې د مشر حاجي ناصر په وینا، د دې داوطلبۍ څخه ۱۶ میلیون افغانۍ د دولت خزانې ته سپارل شوي دي . هغه زیاته کړه چې دا اقدام د دې لپاره شوی چې معاملې شفافې شي او په هېواد کې د قیمتي ډبرو سوداګرۍ ملاتړ وشي . د لاجوردو، زمرد او بیروج په ګډون د قیمتي ډبرو بډایه زیرمو سره، افغانستان یو له هغو هېوادونو څخه ګڼل کیږي چې په دې صنعت کې لوی ظرفیت لري . باید وویل شي چې د پنجشېر زمرد د خپل شهرت له امله د هېواد په دننه او بهر کې په زیاته کچه بازار لري، او له امله ا.ا په وار وار داوطلبۍ وړاندې او وپلورل په همدې حال کې د کلونو ناامنۍ او د اړینو زیربناوو نشتوالي له امله، د دې ډبرو رایستلو او صادرات له جدي ننګونو سره مخ شوي دي . د صنعت او سوداګرۍ وزارت چارواکي وايي چې شفاف او قانوني داوطلبۍ کولی شي د قیمتي ډبرو صنعت ودې ته لاره هواره کړي او ملي عایدات زیات کړي . د یادولو ده چې څو ورځې وړاندې د نورستان...

د امریکا د متحدو ایالتونو ولسمشر ډونالډ ټرمپ د چهارشنبې په ورځ ژمنه وکړه چې د امریکا چارواکي به هغو افغان متحدانو ته د پناه غوښتنې په برخه کې د مرستې لارې پیدا کړي، چې غواړي په امریکا کې پناه واخلي، خو ده دا هم وویل چې ښایي د هغو کسانو په ډله کې چې په دې مهاجرتي پروګرامونو کې شامل دي، ځینې نور هدفونه هم ولري . ټرمپ په سپینه ماڼۍ کې یوې غونډې ته، چې د افغان کډوالو په اړه ترې پوښتنه وشوه، وویل : « موږ ښه خلک پېژنو، او موږ هغه کسان هم پېژنو چې ښایي ښه نه وي. موږ به د هغو کسانو خیال وساتو، چې زموږ لپاره یې کار کړی .» ټرمپ د کډوالو لپاره د نوو مرستو یا تصفیې (vetting) پروګرامونو جزئیات ور نه کړل، خو دا یې اټکل وکړ چې د هغه اداره به د دایمي استوګنې غوښتونکو شاوخوا ۹۰ سلنه کسانو سره مرسته وکړي . نوموړي یو ځل بیا د جو بایډن د ادارې له خوا د ۲۰۲۱ کال په دوبي کې له افغانستانه د امریکايي ځواکونو پر ایستلو انتقاد وکړ، او هغه یې «د هېواد په تاریخ کې یوه ډېره شرموونکو پېښه» وبلله .. د مې میاشتې په لړ کې، د بهرنیو چارو وزارت چارواکو اعلان وکړ چې د افغان کډوالو د بیا میشتېدو د همغږۍ دفتر ...

نن د جولای ۳۰ مه د پير محمد کاروان ورځ ده. کاروان د پښتو ادب کې د هغه چا نوم دی چې هر باریک بین لوستی او اورېدونکی یې پېژني . پير محمد کاروان د «نور محمد» زوی دی، چې په ۱۳۳۸ کال د خوست «تڼی» ولسوالۍ اړوند د «نریزې» په کلي کې زېږېدلی دی . لومړنۍ او منځنۍ زده‌کړې یې د تڼیو په نریز کلي سرته رسولې دي. او پاتې زده‌کړې یې په ۱۳۵۶ کال کې د خوست په میخانیکي لېسې څخه کې ترسره کړې . د کاروان شاعري ځانګری سبک لري او کله چې لوستونکی یې لولي له ورایه یې په شعرونو کې ګلونه غوړېږي .   د کاروان په شعرونو کې د چنار، غزل، سندره، ښاپېرۍ، سندربول/ه، قاف، نښتر،غزلبول، کابل، باګرام، سروش، ګودر، غرونه، غاړه کې سمبولونه زیات راغلي دي . د ښاغلي کاروان چاپ شوي اثارکې له ماښامه تر ماښامه، د ښاپېرۍ ورغوی، چنار خبرې کوي، یو زرغون د نغمو سیند، له نرګسه تر نرګسه (د لنډو کیسو ټولګه)، غره ته روان سړی(د لنډو کیسو ټولګه) شامل دي . د کاروان له شاعرۍ به دا ستونزمه وي چې د بېلګې په توګه کوم شعر غوره کړو، دلته یې هغه بېلګه راوړم چې د لوستکونو پر ذهنونو ژر حک شوې ده . ولې راته وايې چې لږ وار کوه وار څه مع...

د ملګرو ملتونو پراختیايي پروګرام (UNDP) په یوه تازه راپور کې ویلي چې د افغانستان ۹۷ سلنه وګړي د انرژۍ له شدید فقر سره مخ دي، چې دې وضعیت د هېواد په ښوونیز او روغتیايي سیسټمونو کې جدي خنډونه رامنځته کړي دي . د ملګرو ملتونو پراختیايي ادارې د دوشنبې په ورځ په یوه خپره کړې اعلامیه کې ویلي، چې په افغانستان کې د انرژۍ نشتوالی د خلکو پر ورځني ژوند او بنسټیزو خدمتونو باندې ژورې منفي اغېزې ښندلې دي. دغې ادارې په خپله ایکس (پخواني ټویټر) پاڼه لیکلي چې د برېښنا کمښت نه یوازې د خلکو ورځني کارونه ګډوډ کړي، بلکې د روغتیا په څېر حیاتي خدمتونه یې هم له ستونزو سره مخ کړي، چې تر ټولو ډېر زیان یې زیانمنونکو وګړو ته اوښتی دی . لمریزه انرژي د هیلې یوه سرچینه د دې ننګونو سره سره،دغه سازمان وايي چې د لمریزې انرژۍ کارونې په ځینو سیمو، په ځانګړې توګه په ښوونیزواو روغتیايي مرکزونو کې، د هیلې یوه باثباته سرچینه رامنځته کړې ده. د UNDP په وینا، یوازې سږ کال د افغانستان په مرکزي سیمو کې ۲۳ ښوونیز مرکزونه د لمریزې برېښنا په تختو سمبال شوي دي. د دې اقدام په پایله کې، له ۱۰ زره او ۳۰۰ څخه ډېر زده‌کوونکي باثباته...

د طالبانو د ټولګټو چارو وزارت مسؤلان وايي، د روان ۱۴۰۴ لمریز کال په تېره چنګاښ میاشت کې د افغانستان د اوسپنې پټلۍ له لارې ۳۹۳ زره او ۲۹۴ مټریک ټنه صادرات او واردات شوي دي . د دغه وزارت ویاند محمد اشرف حق شناس نن (سه شنبه) د یادې میاشتې په اړه پر خپله اېکسپاڼه لیکلي چې، په دغو انتقالاتو کې ۲۸۶ زره او ۱۷۸ ټنه د حیرتان، ۳۷ زره او ۲۲۶ ټنه د هرات- خواف، ۳۶ زره او ۱۰۹ د تورغونډۍ او ۳۳ زره ۷۷۲ ټنه د آقینې بندر له لارو صادر او وارد شوي دي . حق شناس زیاته کړې چې ، په دغو صادراتو او وارداتو کي ۳ زره او ۱۸۹ ټنه صادرات شوي دي . سرچینه زیاتوي، چې په صادراتو کې ډېره برخه یې وچه مېوه او د انارو جوس شامل دي . دا په داسې حال کې ده چې، تر دې وړاندې دغه وزارت په غبرګولي میاشت کې هم د ۳۱۲ زره ټنو انتقالاتو د ترسره کېدو خبر ورکړی وو . اقتصادي کارپوهان بیا تر وارداتو د صادراتو پر زیاتوالي زیات ټینګار کوي .   دوی وایي که طالبان اقتصادي برخه کې د وطن ځان بسیاینه غواړي نو په هره برخه کې باید داخلي تولید زیات کړي څو ورسره صادرات لوړ او د وارداتو کچه راټیټه شي . د وارداتو په نس...

د ایران د بهرنیو چارو وزارت ویاند، اسماعیل بقايي، نن (دوشنبه) په یوه خبري ناسته کې وویل چې دوی ته افغانستان ته د ولسمشر د سفر په اړه کوم پروګرام نه دی ابلاغ شوی. دا په داسې حال کې ده چې د ایران نوي ولسمشر، مسعود پزشکیان، له دې وړاندې کابل ته د سفر لپاره خپله لېوالتیا ښودلې وه . د ایران د بهرنیو چارو وزارت ویاند زیاته کړه: "هغه څه چې مطرح شول، د ایران د اسلامي جمهوریت لېوالتیا او له افغانستان سره د ښه ګاونډیتوب او ورورګلوۍ د سیاست پر دوام ټینګار و." د نوموړي په وینا، په رسنیو کې خپاره شوي خبرونه په دقیقه توګه نه دي منعکس شوي. دا څرګندونې وروسته له هغې کېږي چې د ایران ولسمشر مسعود پزشکیان د خپل هېواد د بهرنیو چارو وزارت له مدیرانو سره په یوه ناسته کې ویلي و چې د ګاونډیو هېوادونو، د افغانستان په ګډون، سره د اړیکو پراختیا یې د بهرني سیاست لومړیتوب دی. ښاغلي پزشکیان ویلي و چې چمتو دی افغانستان ته سفر وکړي ترڅو د طالبانو تر واکمنۍ لاندې له افغانستان سره د ایران په اړیکو کې یو نوی باب پرانیزي. که دا سفر ترسره شوی وای، نو دا به د طالبانو د نږدې څلور کلنې واکمنۍ پر مهال افغانستا...

د طالبانو د کار او ټولنیزو چارو وزارت خبر ورکړی، چې قطر ته د افغان کارګرو د استولو لپاره د نوملیکنې پروسه پیل شوه . یاد وزارت د نوملیکنې برخې هم په ډاګه کړې دي . د برېښنا انجنیر Electrical Engineer ، د برېښنايي موټرو مستري Automotive Technician ، شیدو لوشونکی Milker ، د رسمي مېلمستیاوو سرآشپز Chef de Partie ، سرآشپز دوه بسته Head Chef ، د آشپز لومړی مرستیال یا (COMMIS 1) ، آشپز دو‌یم مرستیال یا (COMMIS 2) ، د هوټل د تفریح لارښوونکی یا Hotel Recreation Instructor ، د خوړو او نوشابو بس چلوونکی یا F&B Bus Runner ، د هوټل تفریحي لارښوونکی؛ دویم بست یا Hotel Recreation Instructor ، د پاک کارۍ د مېز همغږي‌کوونکی یا Housekeeping Desk Coordinator ، دوه بسته، د ریزرف کولو استازی یا Hotel Reservations Agent او د خونو د پاکولو خدمتګار یا Housekeeping Room Attendant هغه برخې دي چې افغان کارګر به ورته لېږدول کېږي . د طالبانو یاد وزارت دا هغه برخې یادې کړي چې، د دوی په خبره افغانان کولی شي نوملیکنه ورته وکړي او د کار روزګار لپاره یاد هېواد ته واستول شي . د طالبانو د کار او ...

  د کډوالو ستونزو ته د طالبانو د رسېدنې کمېسیون ويلي، چې له پرون جمعې ورځې راهیسې ۲۰ زره افغان کډوالو هېواد ته راستانه شوي دي . د طالبانو د سرپرست حکومت د ویاند مرستیال حمدالله فطرت نن پر خپله اېکس‌ پاڼه لیکلي چې ډېری راستانه شوي له ایرانه راغلي دي . فطرت همداراز ویلي چې افغانستان کې د کډوالو د ستنولو لړۍ په ورځني ډول روانه ده . بل لورته په تورخم کې د طالبانو له لوري د کډوالو د لېږد امر بخت جمال ګوهر ویلي، چې پاکستان کې زندانې ۳۲ افغانان را خوشې شول . ګوهر زیاته کړې یاد شمېر کسان پرون جمعه د تورخم له لارې افغانستان ته راستانه شول . دوه ورځې وړاندې هم ‏د پاکستان له بند خونو ۱۲۲ افغانان را خوشي شوي دي . طالب چارواکي وایی هغه وایي، په دغو کډوالو کې ښځې او ماشومان هم شامل وو . طالب چارواکي زیاتوي، چې راخوشې شوو کډوالو له دوو ورځو نیولې تر دریو کلونو په پاکستان کې د بند موده تیره کړې ده .

د میدان‌وردګو مسوولین وایي، د یاد ولایت په «سید‌اباد» ولسوالۍ کې د ملي سوداګر، حاجي عبدالولي خان په مالي ملاتړ د یو جومات د جوړولو چارې بشپړې او ګټې‌اخیستنې ته سپارل شوی دی . د دغه ولایت رسنیز دفتر په خبرپاڼه کې ویل شوي چې د «شهید نورالرحمن ملکزي» په نوم د دې جومات چارې دوه کاله مخکې پیل شوې، او تازه په دوو پوړونو کې ګټې‌اخیستنې ته سپارل شوی دی . د خبرپاڼې له مخې: “په دې جومات کې په یو وخت د ۴ زره کسانو لمونځ‌کوونکو د ظرفیت په لرلو سره د ښځینو لمونځ‌کوونکو لپاره ځانګړی ځای او نورې اړینې اسانتیاوې په پام کې نیول شوې دي .” د میدان‌وردګو د مسوولینو په وینا چې په دې جومات شاوخوا ۶۰ میلیون افغانۍ مصرف شوی او د سیداباد ولسوالۍ اړوند په شنیز دره کې د کابل – کندهار په لویه لاره جوړ شوی دی . په خبرپاڼه کې دا هم ویل شوي چې د دې جومات د پرانیستې په مراسمو کې د اسلامي امارت ګڼو چارواکو ګډون کړی و . بلخوا د وردګو ولایت اوسېدونکي د دې جومات پر جوړېدو خوښ دي، خو له ملي سوداګر او حکومت څخه غواړي چې د تېرو جګړو له امله د دوی ویجاړ شویو سړکونو او د استوګنې کورونه ته هم جدي توجه وشي .

هند د پنجشنبې په ورځ افغانستان ته د چین–پاکستان اقتصادي دهلېز (CPEC) د پراخېدو محالفت وکړ او هغه یې «نه منونکی» اقدام وباله . د هند د بهرنیو چارو د دولت وزیر کیرتي وردهن سنګ دا دریځ د خپل هیواد پارلمان ته په رسمي بیان کې څرګند کړ. نوموړي وویل، حکومت د مې په ۲۱ مه نېټه په پیکینګ کې د چین، پاکستان او افغانستان له درې‌اړخیزې غونډې خبر دی، چې په لړ کې یې د سیمه‌ییزې همکارۍ، په ځانګړي ډول د لارو په اړه خبرې وشوې . هغه زیاته کړه:«حکومت په پرله‌پسې ډول له اړوندو خواوو سره خپل اعتراض شریک کړی چې د چین–پاکستان اقتصادي دهلېز (CPEC) له هغو برخو تېرېږي چې د هند د لداخ او جمو و کشمیر د قلمرو برخې دي، او دا سیمې پاکستان په غیرقانوني ډول اشغال کړې دي. دا پروژه یو کمربند، یو سړک نومېږي، خو موږ پرې اعتراض کړی او له هغوی مو غوښتي چې دا فعالیتونه ودروي .» هغه همداراز وویل:«د درېیمو هېوادونو د ګډون یا د دغه دهلېز د پراخېدو هر ډول وړاندیز هم د منلو نه دی. حکومت دا دریځ تل ټولو اړخونو ته څرګند کړی دی .» CPEC د چین د “یو کمربند، یوه لار ” (Belt and Road Initiative – BRI) سترې پروژې یوه مرکزي برخه ...