نن د جولای ۳۰مه د کاروان ورځ ده
نن د جولای ۳۰مه د پير محمد کاروان ورځ ده. کاروان د پښتو ادب کې د هغه چا نوم دی چې هر باریک بین لوستی او اورېدونکی یې پېژني.
پير محمد کاروان د
«نور محمد» زوی دی، چې په ۱۳۳۸ کال د خوست «تڼی» ولسوالۍ اړوند د «نریزې»
په کلي کې زېږېدلی دی.
لومړنۍ او منځنۍ زدهکړې
یې د تڼیو په نریز کلي سرته رسولې دي. او پاتې زدهکړې یې په ۱۳۵۶ کال کې د خوست په میخانیکي لېسې څخه کې ترسره کړې.
د کاروان شاعري ځانګری
سبک لري او کله چې لوستونکی یې لولي له ورایه یې په شعرونو کې ګلونه غوړېږي.
د کاروان په شعرونو کې د چنار، غزل، سندره، ښاپېرۍ، سندربول/ه، قاف، نښتر،غزلبول،
کابل، باګرام، سروش، ګودر، غرونه، غاړه کې سمبولونه زیات راغلي دي.
د ښاغلي کاروان چاپ
شوي اثارکې له ماښامه تر ماښامه، د ښاپېرۍ ورغوی، چنار خبرې کوي، یو زرغون د نغمو
سیند، له نرګسه تر نرګسه (د لنډو کیسو ټولګه)، غره ته روان سړی(د لنډو کیسو ټولګه)
شامل دي.
د کاروان له شاعرۍ به
دا ستونزمه وي چې د بېلګې په توګه کوم شعر غوره کړو، دلته یې هغه بېلګه راوړم چې د
لوستکونو پر ذهنونو ژر حک شوې ده.
ولې راته وايې چې لږ
وار کوه وار څه معنا؟
کار د مینې کار دی له
دې کاره انکار څه معنا ؟
ووایه د ژوند د فلسفې
شاګرده ووایه
سر په اوږو څه مانا او
سر دی په دار څه معنا؟
ښايي چې له دې ښاغلي
لویه ښکلا ورکه ده
دومره د ښکلا په لټون
سترګې په لار څه معنا ؟
لاس د ښکاري څه وايي
او زړه د غرڅې څه وايي؟
غواړمه یوه مانا لالیه
چې ښکار څه معنا ؟
خلک پکې خدای لټوي ته
ماشوم خبر هم نه
پوی به شې او لوی به شې
چې سترګې د یار څه معنا؟
چپ شمه که ووایم چې دنګه
یاره تا ښایم
خلک راته وايي چې
«کاروانه» چنار څه معنا؟
نظرات
ارسال یک نظر