افغان‌ناو خبري شبکه

طالب ویاند ذبیح الله مجاهد ویلي، داعش خراسان اوس د افغانستان پر ځای په بلوچستان او خیبرپښتونخوا کې مېشته ده دغه څرګندونې د طالبانو ویاند زبیح الله مجاهد د داعش د هغې ډلې له نیولو وروسته کړې، چې د نوموړي په خبره په کابل کې یې پر څارنوالانو او بامیانو کې پر سیلانیانو بریدنو کې لاس درلود. مجاهد وايي، په افغانستان کې یې د داعش ډله سخته ځپلې او اوس پاکستان ته لېږدول شوې ده . د طالبانو ویاند ذبیح الله مجاهد وايي، د داعش خراسان څانګې مشران او نور غړي د طالبانو له ځپونکو عملیاتو وروسته د پاکستان بلوچستان او خیبرپښتونخوا ته تللي دي . دغه معلومات د داعش غړو له نیول کېدو وروسته تر لاسه شوي د طالبانو ویاند له لوري په یوه خپره شوې خبرپاڼه کې ویل شوي، چې له افغانستان څخه داعش خراسان څانګې د مشرانو وتلو او پاکستان ته دتللو معلومات یې له هغه وروسته ترلاسه کړي، چې په کابل او ننګرهار کې یې د عملیاتو پر مهاله د داعش هغه ډله ونیوله چې په کابل کې پر څارنوالانو او په بامیان ولایت کې پر بهرنیو سیلانیانو په بریدونو کې لاسه درلود . مجاهد وايي، له یادو کسانو سره یې یو تن تاجکستانی وګړی هم نیولی چې غوښ...

ګورډن براون وايي ، ملګري ملتونه به د افغان نجونو او ښځو د حقونو تروړل د "جنسيتي اپارتايډ" په توګه وپېژني په نړۍ کې د زدکړو لپاره د ملګرو ملتونو ځانګړي استازي او د بريتانیا پخواني لومړي وزیر ګورډن براون د ملګرو ملتونو مقر کې وویل، ډاډه دی چې ملګري ملتونه به هغه ځور او ځپل چې په افغانستان کې پر ښځو او نجونو تحميل شوي په رسمي ډول جنسيتي اپارتاید وګڼي . نوموړي وویل چې د ملګرو ملتونو حقوقي کمېټه په اکتوبر میاشت کې غونډه کوي . په معاصر تاریخ کې تر ټول بد او ځپونکی سیسټم د ښاغلي براون په وينا، " په اکتوبر کې دملګرو ملتونو د حقوقي کمېټې یوه غونډه کېږي او د جنسيتي اپارتاید پر تعریف به کار کوي. په دې اړه به په اکتوبر یا له هغې وروسته پرېکړه وشي. خو زه ډېر ډاډه یم، هغه څه چې اوس خلک په افغانستان کې ويني – لکه څرنګه چې تاسو به هم پوهېږئ په نجونو په تېره بیا تنکیو نجونو محدودیتونه ډېرېږي او لا ډېرېږي او دوی اوس په کوڅه کې په آزاده له محرم پرته نشي ګرځېدی په دولتي بنسټونو کې دنده نشي اخیستی او حتی په عموم کې د خبرې حق نه لري – نو دا په روښانه داسې ځپل دي چې د جنسيتي اپارتاید یوه بڼه...

څو فلمي ستوري دي چې د بالیووډ پر سینما راج چلوي او خلک یې هم خوښوي هند له بالیووډ سینما او فلمي صنعت په میلیاردونو روپۍ لاسته راوړي او دغه هنر یې دومره غوړېدلی چې له امله یې فلمي ستوري او په دې برخه کې نور کارکوونکي یې هم میلیونران او میلیادران کړي دي . خو په دغه فلمي ستورو کې یې یو څو تنه ډېر مخکښ دي چې هم د فلمي نړۍ په ډګر کې مینه وال لري او هم د بالیووډ سینما پر ټولو خواوو راج چلوي . لومړی شارخ خان دی شارخ خان د ۱۹۶۵ کال د اکټوبر میاشتې ۲ مه په نوي ډهلي کې زېږېدلی دی. نوموړی له داسې کورنۍ نه دی چې په فلمي ډګر کې دې سابقه ولري، بلکې دی په خپله له یوې غریبې کورنۍ بالیووډ سینما ته راغی او په خپل همت او سخت کار کولو یې تر دې ځایه ځان ورساوه . د بالیووډ سینما ستوري شارخ خان خپل لومړی رول د (دل داریا) په نوم ټلویزوني ډرامه کې ولوباوه. بل ځل یې په یوه بل فلمي سریال (پوځي) کې رول واخیست چې ناڅاپي یې د خلکو پام ځان ته ور واړوه او په خلکو کې مشهور شو. له هغه وروسته یې په ګڼو سریالونو او ډرامو کې کار وکړ، خو په داسې شکل چې خلکو یې اداکاري ډېره خوښوله . د شارخ خان لومړی فلم (دیوانه) دی. د هغ...

ایراني رسنۍ وايي، د افغانستان په اړه د ایران، پاکستان، چین او روسیې څلور اړخیزه ناسته په نیویارک کې جوړه کړه د ایران، چین او روسیې د بهرنیو چارو وزیرانو او د پاکستان د دفاع وزیر د ملګرو ملتونو د ۷۹ مې سرمشریزې په څنډو کې د افغانستان په اړه په نیویارک کې څلور اړخیزه ناسته کړې . د ایران د بهرنیو چارو وزارت ویلي، چې دغه ناسته د ایران د بهرنیو چارو وزیر سید عباس عراقچي په مشرۍ د چېن، روسیې او پاکستان چارواکو سره په نیویارک کې جوړه شوې وه . په افغانستان کې روان وضعیت د ایران د بهرنیو چارو له وزارته په خپره شوې خبر پاڼه کې ویل شوي، چې د ناستې برخه‌والو په افغانستان کې د روان وضعیت په اړه خبرې کړې او په دې اړه یې یوه اعلامیه هم صادره کړې ده . د ایران دولتي خبري اژانس لیکلي، چې د څلورو هېوادونواستازو په افغانستان کې د سولې او ټیکاو د راوستو او د هغه هېواد له واکمنو چارواکو سره د تعامل په رامنځته کولو سلا مشورې کړې دي . اېرنا د دغې ناستې په اړه زیات جزییات نه دي خپاره کړي او د خپرې شوې اعلامیې په اړه یې هم زیاته رڼا نه ده اچولې . د ایران مهر خبري اژانس پرته له دې چې د غونډې د نېټ...

د بښنې نړیوال سازمان د عدالت نړیوالې محکمې ته د طالبانو په اړه د شکایت کولو هر کلی کړی دی د بښنې نړۍوال سازمان د یو شمېر هېوادونو د هغې پرېکړې هرکلی کړی، چې له مخې یې په افغانستان کې واکمن طالبان د بشري حقونو د سرغړونو له امله محاکمې ته راکاږل کېږي . د بښنې نړۍوال سازمان عمومي مشرې اګنیس کالمارډ وویل:« طالبانو افغان ښځې او نجونې د ژوندانه له ټولو ډګرونو اېستلې او په سیستماتیک ډول یې د دوی حقونه او انساني کرامت ورځینې تروړلی دی .» جنسیتي اپارتاید نوموړې وایي، د هغو هېوادونو له وروستي دریځه په کلکه ننګه کوي چې له مخې یې طالبان د بشري حقونو د سرغړونو په اړه حساب کتاب ته راکاږل کېږي . نوموړې زیاته کړې:« جنسیتي اپارتاید د بشریت په وړاندې جرم دی. نړۍواله ټولنه باید د عدالت د نړۍوالې محکمې په ګډون په افغانستانکې د بشري حقونو د روانو سرغړونو د پای ته رسولو لپاره ټولې شته لارې خپلې کړي .» هغې دا رنګه ټینګار کړی:« د ښځو په وړاندې د هر ډول تبعیض د له منځه وړلو په اړه د ملګرو ملتونو د کنوانسیون د سرغړونو لپاره د عدالت د تامین په لور اخیستل شوی ګام ډېر مهم دی. نړۍ باید د افغانستان له زړ...

متحده عربي اماراتو د هرات د زلزلې پرمهال هم په هرات ولایت کې لنډمهاله کلینیکونه جوړ کړي وو په هرات کې د طالبانو ځايي چارواکي وايي چې متحده عربي اماراتو د هرات له حوزوي روغتون سره د نهو ډیالیز ماشینونو مرسته کړې ده . په هرات کې د طالبانو د اطلاعاتو او کلتور ریاست پنجشنبه د تلې پر ۵ مه، په یوه خبرپاڼه کې لیکلي چې دغه ماشینونه پرون د هرات روغتون ته سپارل شوي دي . ناروغانو ته د اسانتیاوو برابرېدل د طالبانو د اطلاعاتو او کلتور وزارت سرپرست خیرالله خیرخواه چې دا مهال په هرات کې دی، ویلي چې په دغو ماشینونو سره به ناروغانو ته لا زیاتې اسانتیاوې برابری شي . بلخوا، د هرات روغتون رییس محمد برات ټینګار کړی چې له اوو شته ډیالیز ماشینونو په ګټې اخیستنې سره په میاشت کې ۵۰۰ کسان ډیالیز کېدل ، خو د نويو ماشینونو په   فعالېدو سره به دا شمېر په میاشت کې ۸۰۰ کسانو ته زیات شي . ډیالیز ماشین هغه وسیله ده چې د پښتورګو پر ناروغۍ د اخته ناروغانو د وینې پاکولو لپاره کارول کیږي . د عربي متحده اماراتو نورې مرستې دوه کاله وړاندې متحده عربي اماراتو په افغانستان کې له هغو خلکو سره د ۳۳ ټنو خو...

د طالبانو د عامې روغتیا وزیر له خلکو غوښتي چې د واکسین په تطبیق خپل ماشومان له ناروغیو وژغورئ څو ورځې وړاندې طالبانو د کور په کور د واکسین پر کمپاین بندیز لګولی و چې د پخواني ولسمشر حامد کرزي په ګډون د ګڼو افغانانو او روغتیايي بنسټونو له لوري له نیوکو سره مخامخ شو. اوس تازه په افغانستان کې پر واکسین د طالبانو له نویو محدودیتونو سره د دې ډلې روغتیا وزیر له خلکو وغوښتل چې خپل ماشومان واکسین کړي. دې ډلې تېرو اونیو کې کور په کور د واکسین د کمپاین مخه ونیوله او په جوماتونو کې یې د ماشومانو د واکسینولو غوښتنه وکړه . له ښځینه کارکوونکو سره د طالبانو ناوړه چلند د طالبانو دا ګام له هغه وروسته و چې د روانې سپټمبر میاشتې پر لسمه یې کابل کې واکسیناتورې هم د واکسین له فعالیت منع کړې . له دې محدودیتونو سره د طالبانو د روغتیا وزیر نن په کابل کې د کتلوي معافیت اړوند روغتون په پرانیست غونډه کې له خلکو وغوښتل چې خپل بچیان واکسین کړي: «خپل ماشومان د ناروغیو په مقابل کې واکسین کړئ چې خوندي او صحتمن پاېت شي .» مولوي نور جلال جلالي د دغه روغتون په جوړولواو تجهیزولو کې د یونیسف مننه وکړه او همدار...

امریکا او متحدان یې د اسرائیل-لبنان د پولې په اوږدو کې د ۲۱ ورځیني اوربند غوښتنه کړي ده د امریکا،‌ بریتانیا او اروپايي ټولنې په ګډون لوېدیزو متحدانو د اسرائیل او حزب‌الله ترمنځ د شخړې له ډېرېدو وروسته لبنان کې د لنډمهاله اوربند غوښتنه کړې . د ۱۲ هېوادونو دغه ځواکمن بلاک "یوه دېپلوماتیک جوړجاړي ته د رسېدو په هدف دېپلوماسۍ ته د فضا برابرولو"لپاره جګړه کې د سملاسي ۲۱ ورځنۍ وقفې او همدا راز په غزه کې د اوربند وړاندیز کړی دی .‌ دوی په خپله ګډه علامیه کې ویلي، دښمنۍ د 'زغملو' نه دي او د "یوې پراخې سیمه‌ییزې ترینګلتیا" داسې نه منل کېدونکی خطر رامنځته کوي چې د اسرائيل او لبنان دواړو د خلکو په ګټه نه دی . په لبنان کې د ځمکنیو علمیاتو د پیل احتمال دا غوښتنه تر هغې وروسته کېږي، چې د اسرائیل د پوځ مشر چارشنبه خپلو پوځیانو ته سپارښتنه وکړه، چې د "دښمن خاوره کې" احتمالي ځمکنيو عملیاتو ته چمتو واوسي . جنرال هېرزي هالېوي اسرائیلي ځواکونو ته وویل "تاسې مو په سرونو د جټ الوتکو غږونه اورئ؛ موږ ټوله ورځ بریدونه وکړل. دا هم ستاسې احتمالي ورننوتلو ت...

  طالبانو په رسنیو کې پر ژوندیو سیاسي خپرونو نوي بندیزونه وضع کړي او له رسنیو یې غوښتي چې په بحثونو کې د ګډون‌کوونکو لېست باید هر سهار له دوی سره شریک شي. کارپوهان وايي، طالبان په دا ډول هڅو سره په افغانستان کې د بیان نسبي ازادي هم محدودوي او هڅه کوي چې ټول اطلاعاتي او چاپي وسایل د ځان په ګټه په تبلیغاتو کې استعمال کړي. د خبریالانو د خوندیتوب کمېټې غوښتنه د خبریالانو د خوندیتوب کمېټې د سې شنبې په ورځ په یوه خبرپاڼه کې له طالبانو غوښتي چې، په ژوندیو سیاسي خپرونو دې لګول شوي بندیزونه لري کړي . د  “سي‌پي‌جی” په خپره خپره کړې خبرپاڼه کې د آسیا د برخې د همغږې کوونکې بیه لي‌یي له قوله راغلي چې د طالبانو له‌خوا نوي محدودیتونه په افغانستان کې د رسنیو د اساسي آزادیو د پای په معنی ده . نوموړې ویلي، چې دغه اقدام د دې هڅه ده چې رسنۍ د طالبانو پر تبلیغاتې وسیلې بدلې شي . د خبریالانو د خوندیتوب کمېټې د دوو خبریالانو له قوله چې نومونه یې نه‌دي اخیستل شوي، ویلي چې د طالبانو د اطلاعاتو او فرهنګ وزارت د یکشنبې په ورځ د رسنیو یو شمېر مسوولان ورغوښتي وو او هغوی یې له نویو محدودیتونو خبر کړي دي . ...

د ملګرو ملتونو د بشري حقونو شورا د یوې اعلامیې په خپرولو سره د بشري حقونو په برخه کې د اماراتو موقف ستایلی دی د ۲۰ څخه زیاتو د بشري حقونو سازمانونو یو ائتلاف، چې د بشري حقونو د اتحادیې ټولنه هم پکې شامله ده، د متحده عربي اماراتو هغه پرېکړه وستایله چې د ملګرو ملتونو د بشري حقونو شورا په ۵۷ مه غونډه کې یې د امنیتي جرمونو په تور محکوم شوي بنګله دیشي اتباع وبخښل. په یوه بیان کې چې د ۲۰۲۴ کال د سپتمبر په ۹ مه خپور شو، ائتلاف د دې بخښنې یادونه وکړهچې دا د متحده عربي اماراتو د بشردوستانه چلند او زغم ته ژمنتیا څرګندوي ، او دا هر څه یې د متحده عربي اماراتو د حکومت مشرتابه غوره مدیریت او رهبرۍ ته منسوب کړل. د ګډون کوونکو سازمانونو څخه نهه یې د ملګرو ملتونو سره مشورتي موقف لري. د بشري حقونو په برخه کې د اماراتو د حکومت لید دغو سازمانونو وویل چې بنګله دیشي اتباعو ته دا بخښنه د متحده عربي اماراتو د حکومت د سالم لید او غوره مشرتابه یوه نښه ده. دا ائتلاف، چې د بشري حقونو د اتحادیې ټولنې لخوا رهبري کیږي، له ۲۰ څخه زیاتو نړیوالو، سیمه ایزو، او ملي بشري حقونو سازمانونو څخه جوړ دی، چې ۹ یې د ملګرو مل...