اسټرالیا د افغان ښځو او نجونو د ملاتړ لپاره ۵ میلیون ډالره مرسته کوي
دې وزارت نن (جمعه، د حمل ۸مه) په یوه
اعلامیه کې وویل چې اسټرالیا به د غزې
لپاره ۱۱ میلیونه ډالر بشردوستانه مرسته او ۱۵ میلیونه ډالر د میانمار او افغانستان کې اغېزمنو
خلکو ته د اړین ملاتړ په توګه چمتو کړي.
د دې اعلامیې له مخې، د دې بودیجې پنځه میلیونه
ډالر د ملګرو ملتونو شریکانو ته د دې توان ورکولو لپاره ځانګړي شوي چې افغانستان کې
ښځو او نجونو ته روغتیایي خدمات وړاندې کړي.
د اسټرالیا د بهرنیو چارو وزیره پني وانګ ټینګار کړی چې هېواد یې د افغانستان د
هغو ښځو او نجونو په ملاتړ کې ثابتقدم دی چې «د طالبانو له خوا د بشري حقونو د سیستماتیکو
سرغړونو په وړاندې یې بېساري زړورتیا ښودلې ده.»
د اسټرالیا د نړیوالې پراختیا وزیر پت کانروي هم ویلي چې د
عاجلو بشردوستانه شرایطو په وخت کې د ښځو او نجونو ملاتړ د دې هېواد د بشردوستانه
پالیسۍ یو اساسي رکن دی.
هغه زیاته کړې: «موږ پوهېږو چې د طالبانو تر کنټرول
لاندې وضعیت ناورین دی او موږ ویاړو چې د افغان ښځو او نجونو لپاره د حیاتي روغتیایي
خدماتو په وړاندې کولو کې مرسته کوو.»
د امریکا له خوا افغانستان ته د مرستو د بندېدو
وروسته، د دې هېواد د مرستندویه ادارو د بودیجې کمښت له ستونزې سره مخ شوی دی. دغه
وضعیت د افغانستان پر روغتیایي سکټور هم شدیده اغېزه کړې ده. د روغتیا نړیوال سازمان خبرداری ورکړی چې د
بودیجې د کمښت له امله ښایي په افغانستان کې د دې سازمان تر ملاتړ لاندې ۸۰ سلنه روغتیایي
مرکزونه وتړل شي.
نظرات
ارسال یک نظر