افغان‌ناو خبري شبکه

د ګلبدین حکمتیار زوی طالبانو ته د وړو خلکو خطاب کړی او وايي، دغه ډله فکر کوي چې ملت یې فتح   کړی دی حبیب الرحمان حکمتیار داسې مهال غبرګون ښيي چې طالبانو په دارلمان کې د اسلامي حزب مشر ګلبدین حکمتیار له خپل کور ووېست او وزیر اکبرخان کې یې ځای ورکړ. د ګلبدین حکمتيار زوی د طالبانو د عدليې وزير وروستيو څرګندونو ته په غبرګون کې ويلي، دا د افغانانو بدبختي ده، چې واړه خلک پر لويو چوکيو ناست او ولس ته د فتح شوي ملت په سترګه ګوري . حبیب الرحمان حکمتيار په خپلو خبرو کې وايي، چې د عدل او قانون ادارې مشر په دې نه پوهيږي، چې سرپرستان فيصلي نه شي کولای . د طالبانو د عدليې وزير مولوي عبدالحکيم شرعي نن په کابل کې يوې غونډې ته ويلي، چې له پخواني استوګنځي په وتلو کې یې حکمتيار ته وخت ور کړی او بل ځای یې ورته برابر کړی، «له دې سره که بیا هم نوموړی دا کار بې احترامي بولي، عقل يې کار نه کوي .» د حزب اسلامي ګوند د مشر زوی حبیب الرحمان حکمتيار نن شنبه د طالبانو عدليې وزير تر څرګندونو وروسته پر اېکس ټولنیې شبکې یو پیغام کې لیکلي، چې د ادب او بې ادبي په اړه د قضاوت لپاره همدا څو دقيقې خبرې بسنه ...

  په دې معلوماتو کې به تاسو د " واده شپه، د بکارت پرده او ځیني باورونه " په اړه وپوهېږی موږ باید په دې اړوند ځینو شیانو ته پوره پاملرنه وکړو په دې شپه لومړنۍ د پام وړ مساله د بکارت پرده ده چې ځیني نجوڼې ذاتاً پرده نه لري د ډېری خلکو باور دا دی چې د بکارت پرده ضرور د جنسي اړیکو له امله له مینځه تللې چې دا باور خو کله کله تر بېلتون او طلاق پورې هم رسیږي نو باید په دې وپوهېږو چې پرده پرته له جنسي اړیکي په استمنا (ځان ارضا کولو) او ګام اچولو هم له منځه ځي او په دې باید سر خلاص کړو . ښایي تاسې سره پوښتنه پیدا شي چې د واده شپه له نورو شپو سره څه توپیر لري؟ لومړۍ جنسي اړیکه څه ډول وي او په څه باید پوه شوو . بلې دا هغه شپه ده چې نارینه او ښځینه په لومړي ځل لومړۍ جنسي اړیکه او ګډ ژوند پیلوي چې یاد ژوند له تېر ژوند سره خورا توپیر لري، زفاف یا د لومړۍ جنسي اړیکي شپه ښایي زموږ په ټولنه کې ډېره د ارزښت وړ وي ځکه چې زموږ ټولنه له دې اړخه ډېره محدوده او محرمه ټولنه ده د مینې اړیکي په کې بیخي ډېرې جدي نیول کیږي له همدې امله د واده په لومړۍ شپه ډېری ځوانان یوې بلې نړۍ ته درومې چې له پخ...

په سوریه کې اسرائیلو هوايي بریدونه کړي چې ۴۰ کسان یې وژلي دي اسرائیلو دا څووم ځل دی چې پر سوریه هوايي بریدونه کوي، دا ځل هم دغه هواد د ایران ملاتړي ډله په نښه کړي ده او په بمبار کې یې مرګ ژوبله ور اړولې. نړیوالې رسنۍ وايي د سوریې حلب ښار ته نږدې په هوايي بریدونو کې لږترلږه ۳۶ کسان وژل شوي دي .‌ د سوریې دولتي خبري اژانس د پوځي سرچینو په حواله لیکلي چې اسرائیلو د پنجشنبې او جمعې ترمنځ د شپې پر ۱:۴۵ بجو څو ځایه هوايي ګوزارونه کړي‌ دي . د سوریې د بشري حقونو د څار سازمان (اېس ‌او‌ اېچ‌ ار) چې په بریتانیا کې مېشت دی وايي،‌ بریدونه د حلب نړیوال هوايي ډګر ته څېرمه د ایران له ملاتړه د برخمنې لبنانۍ وسله والې ډلې 'حزب‌الله' د وسلو پر زېرمتونونه شوي دي . دغه سازمان، چې سوریه کې پراخې اړیکې لري، زیاتوي چې لسګونه کسان ټپي‌ شوي هم دي . د اسرائیل پوځ بي‌بي‌سي ته ویلي، چې دوی د بهرنیو رسنیو پر رپوټونو تبصره نه کوي . رویټرز خبري اژانس د دوو امنیتي‌ سرچینو په حواله یوه خپاره کړي رپوټ کې په دغو بریدونو کې د وژل شویو کسانو شمېر ۳۸ ښودلی دی . رپوټ کې راغلي چې په وژل شویو کې ۵ د...

ملګرو ملتونو ویلي چې د مرستو له کمېدو سره پر خوارځواکۍ د اخته افغان ماشومانو او منیدو شمېر د زیاتېدو په حال کې دی په ځینو راپورونو کې ویل شوي چې په افغانستان کې د خوارځواکه ماشومانو شمېر له دریو میلیونو اوړي. دا هغه شمېر دی چې نړیوالې مرستندویه ادارې یې اندېښمنې کړي دي. د ملګرو ملتونو د خوړو نړیوال پروګرام (ډبلیو ایف پي) وايي چې په افغانستان کې لسګونو میلیونو کسانو ته د مرستو د بندیدو وروسته په دغه هیواد کې په روغتیايي مرکزونو کې په خوارځواکۍ د اخته شویو ماشومانو او میندو شمیر کې زیاتوالی راغلی دی . د خوړو د نړیوال پروګرام د خوارځواکۍ د برخې مشرې مونا شیخ د یو روغتیايي مرکز څخه د لیدنې پر مهال ویلي، چې د ملګرو ملتونو دا اداره په افغانستان کې ۲۷۰۰ روغتیايي مرکزونو له لارې په خوارځواکۍ اخته ماشومانو او میندو ته د درملنې لپاره ملاتړ برابروي . د خوړو د نړیوال پروګرام د خوارځواکۍ د برخې مشرې ویلي دي چې تیر ۲۰۲۳ کال کې یې تمه لرله چې په افغانستان کې به ۸۰۰ زره میندواره او ماشومانو ته شیدې ورکوونکې میندې په خوارځواکۍ اخته شي، خو په روغتیايي مرکزونو کې دا شمیر ۱.۲ میلیونو ته لوړ ...

په دې وروستیو کې پاکستان کې ناامني په اوج کې ده چې هره ورځ وسله والو بریدونو کې کڼ شمېر کسان وژل کېږي سرچینې تائیدوي چې په پاکستان کې په تېرو لسو ورځو کې ۵ بریدونه شوي او په دغه بریدونو کې ۱۸ کسان وژل شوي دي. د الجزیري سرچینې وايي، د مارچ میاشتې له ۱۶ مې تر ۲۶ مې نیټې پورې په پاکستان کې پنځه بریدونه شوي، چې درې یې په خیبر پښتونخوا او دوه یې په بلوچستان ایالتونو کې رامنځ ته شوي دي. د دغو بریدونو په پایله کې لږ تر لږه ۱۸ کسان وژل شوي دي . ټول دغه پنځه بریدونه ځانمرګي بریدونه وو، چې لږ تر لږه ۱۲ پوځي کسان، پنځه چینایي وکړي او یو پاکستانی وګړی پکې وژل شوي دي . وروستي درې بریدونه، په پرله پسې توګه او په چټکۍ سره شوي او په پاکستان کې یې د چین ګټې په نښه کړي. لومړي برید کې، وسله والو د پاکستان د بلوچستان په ګوادر بندر حمله وکړه، چې د چین په مرسته جوړ شوی و. تر هغې وروسته، یوې وسله والې ډلې په بلوچستان کې د پاکستان پر یوې سترې سمندري اډې برید وکړ، او د دغه کار موخه یې په سیمه کې د چین پانګونه په ګوته کړه. او په وروستي برید کې، جنګیالیو هغه چینایي انجینران په نښه کړل چې د دغه هیواد په شمال کې...

  د بښنې نړیوال سازمان له پاکستانه غوښتي چې د افغان کډوالو جبري ستنېدل بس کړي دغه سازمان د ښځو او نجونو په اړه هم اندېښنه ښوولي او ویلي یې دي چې په دغه کډوالو ستنېدو کې به دوی نور هم له ګواښونو سره مخامخ شي. له پاکستانه د افغان کډوالو د ویستلو د دوهمې لړۍ د پیل په اړه د غبرګونونو په دوام، د بخښنې نړیوال سازمان له پاکستانه غوښتي چې باید جبري ستنونې ودروي . دغه سازمان په یوه بیان کې چې نن یې خپور کړی ویلي له پاکستانه د افغان کډوالو ویستل به ښځې او نجونې په ځینو مواردو کې له بې ساري ګواښ سره مخ کړي . امنسټي انټرنېشنل دا هم ویلي چې د کډوالو جبري شړل د زده کړو، کار، فعالیت او په نورو ورځنیو برخو کې د افغان ښځو او نجونو ونډه په جدي ډول راکموي . دغه سازمان غوښتنه کړې چې پاکستان دې د افغان کډوالو مېرمنو او نجونو د خوندیتوب لپاره ګامونه پورته کړي . په همدې حال کې په پاکستان کې مېشتې یو شمېر افغان ښځې هم وايي په داسې حال کې چې په افغانستان کې د طالبانو حکومت د ښځو په هر ډول فعالیتونو بندیزونه لګولي بیرته ستنول یې د مرګ له ګواښ سره مخ کوي . دا په داسې حال کې ده چې د پاکستان ایک...

د طالبانو تر کنټرول لاندې کورنیو چارو وزارت تېرو ۶میاشتو کې ۸زره ۷۴۷ د جرمي پېښو د ثبت او ۱۲زره ۵۴۰ مجرمینو د نیولو خبر ورکوي هاخوا بیا د نظر خاوندان وايي، په کوم هېواد کې چې د جرمونو ګراف پورته ځي، هلته اصلي لامل بې‌روزګارۍ زیاتېدل وي. تازه د طالبانو د کورنیو چارو وزارت ویاند وایي، د ۱۴۰۲ کال وروستیو ۶ میاشتو کې په افغانستان کې دې ډلې ۸ زره او ۷۴۸ جرمي پېښې ثبت کړې دي . عبدالمتین قانع زیاتوي، په دغه موده کې امنیتي ادارو ۱۲ زره ۵۴۰ کسان د جرمونو په تور نیولي چې د کال د لومړیو میاشتو پرتله نږدې شپږ ځلې زیاتوالی ښيي . طالبانو د تېر کال عقرب کې ویلي و چې د کال په لومړیو شپږ میاشتو کې یې دوه زره ۱۳۶ کسان د جنايي جرمونو په تور نیولي دي . نوموړي نن په کابل کې خبری غونډې ته وویل، چې د ۱۴۰۲ کال وروستیو شپږو میاشتو کې ۲۱ انسان تښوونکي وژل شوي، ۱۷۲ نیول شوي او اتلس تښتول شوي کسان د سړي تښتوونکو له منګلو خوشې شوې دي . د طالبانو تر کنټرول لاندې کورنیو چارو وزارت وايي، تر نورو کلونو تېر کال د اختطاف کچه کمه شوې ده او هڅه کېږي چې نوره هم راکمه شي. ښاغلی قانع د ۸۷۴۸ جرمې پېښ...

کابل کې د ناورې سفیر د طالبانو د رژیم پر رسمیت پېژندلو ټینګار وکړ او د افغانستان په رسمیت نه پېژندل یې د نړیوالو په زیان وبلل. ده زیاته کړه، چې د افغانستان په رسمیت نه پېژندل، نه د نړیوالو په ګټه ده او نه هم د طالبانو. ذبیح الله مجاهد وايي، د ناروې سفارت چارسمبالي ټينګار وکړ چې د افغانستان په رسمیت نه پیژندل د هیڅ لوري په ګټه نه دي . دغه سفارت ویلي، ناورې به هېڅکله د طالبانو له مخالفینو ملاتړ ونه کړي. سفیر وویل، په افغانستان کې نور باید تاوتریخوالی پای ته ورسېږي. ناروې هم تر اوسه د طالبانو رژیم په رسمیت نه دی پېژندلی، خو په کابل کې د ناروې سفارت چارسمبالي د ريیس الوزراء له سیاسي مرستیال سره په کتنه کې ویلي، دا چې تر اوسه نړۍ افغانستان په رسمیت نه دی پیژندلی، دا د دواړو په ګټه نه ده . په دې کتنه کې د ناروې سفارت چارسمبالي په ډاګه ویلي، هېواد یې د طالبانو رژیم له مخالفینو ملاتړ نه کوي . طالب ویاند ذبیح الله مجاهد په دې تړاو وايي : افغانستان په دې نیت دی چې له ټولو هېوادونو سره ښې ډيپلوماټيکې اړیکې جوړې کړي. د ناروې سفیر هم دا و ویل چې د افغانستان په رسمیت نه پیژندل د هیڅ ...

متحده عربي امارات په پام کې لري چې د افغانستان په بېلابېلو سکټورونو کې پانګونه وکړي دغه عربي هېواد له دې وړاندې هم د طبیعي پرمهال او سخت حالت کې له افغانانو سره مرستې کړي دي، خو دا ځل غواړي چې په افغانستان کې په بېلابېلو سکټورونو کې پانګونه وکړي. متحده عربي امارات غواړي، له افغانستان سره د بشري مرستو ترڅنګ په نورو سکتورونو کې هم مرستې وکړي د متحده عربي اماراتو چارواکو ویلي، دوی به په افغانستان کې د بشري مرستو رسولو تر څنګ ددغه هېواد په بیارغونه او نورو سکټورونو کې هم مرسته وکړي، تر څو یې افغانان ورڅخه پورته کړي. د متحده عربي اماراتو لوړپوړي چارواکي شیخ محمد بن زاید وویل، افغانستان په بېلابېلو برخو کې له مرستو او لاسنیوي ته اړتیا لري. دده په وینا متحده عربي امارات غواړي چې له افغانستان سره د ګرین انرژي، چاپیریال ساتنې، د بشري قوې په روزنه او نورو برخو کې همکاري او مرستې وکړي. د افغانستان د هوايي چلند سکتور په وروستیو کلونو کې له ګڼو ننګونو سره مخ دی. د هېواد هوايي ډګرونه په ځانګړې توګه له افغانستان څخه د بهرنيو ځواکونو له وتلو وروسته ډېر زيانمن شوي او ډېرو نړيوالو هوايي شرکت...