افغان‌ناو خبري شبکه

د افغانستان د کرېکټ ۱۹ کلنې لوبډلې په اسیا جام کې خپله لومړنۍ لوبه بنګله دیش لوبډلې ته وبایلله د افغانستان د کرېکټ ۱۹ کلنې لوبډلې په وروستیو لوبو کې ډېره ښه وځلېده او په چټکۍ سره یې خپل سیال ټیمونه مات او اتلولۍ یې ترې وګټلې، خو په دې وروستۍ لوبه کې یې بنګله دیش ته خپل لومړنۍ لوبه وبایلله. د افغانستان له نولس کلنو کم عمره کرېکټ ملي لوبډلې نن د کرکټ اسیايي شورا اړوند اسیا جام سیالیو کې خپله لومړنۍ لوبه کې له بنګله دېش ماته وخوړه . افغان لوبډله څه ډول ماته شوه افغان لوبډلې د سیالې لوبډلې د ۲۲۹ منډو هدف په ځواب کې د ټولو لوبغاړو په سوځېدو سره ۱۸۳ منډې جوړې کړې او د ۴۵ منډو په توپیر له ماتې سره مخ شوه . افغان لوبډلې د پچې ګټلو سره د توپ اچولو پرېکړه وکړه . سیالې لوبډلې د نهو لوبغاړو سوځېدو سره په پنځوسو اورونو کې ۲۲۸ منډې جوړې کړې . د بنګلدېش لوبډله کې عزیز ول حکیم د ۱۰۸ منډو جوړولو سره تر نورو ملګرو ډېرې منډې وکړې . افغان لوبډلې د ټولو لوبغاړو سوځېدو سره تر ۷۸ اور ۱۸۳ منډې جوړې کړې او لوبه یې وبایلله . په افغان لوبډله کې فیصل خان د ۵۸ منډو جوړولو سره تر نورو ملګرو ډېرې منډې وکړې ....

متحده عربي امارات به د راتلونکې لپاره نړیوال صنعتي مرکز وي متحده عربي امارات   په عربي نړۍ کې یو مهم مقام لري او په ۲۰۲۲ کې د ملګرو ملتونو د صنعتي پرمختګ سازمان (UNIDO) د سیالتي صنعتي فعالیت شاخص کې په نړیواله کچه ۲۷ م مقام خپل کړ . دغه شاخص د ۱۵۳ هیوادونو صنعتي فعالیت ارزوي، او د هغوی د توکو تولید او صادارت سیالتي وړتیا تحلیلوي. د اماراتو بېلا بېلې ستراتیژۍ او پروګرامونه، لکه د "Make it in the Emirates" کمپاین، ملي د کورني ارزښت پروګرام (ICV) او د ټکنالوژۍ بدلون ملي پروګرام، د صنعتي سکتور د ودې لپاره مهم رول لوبولی دی. د غو هڅو د ځایي او نړیوالو پانګوالو لپاره ملاتړ او محرکات زیات کړي، چې د اقتصاد تنوع کې مرسته کوي او د تیلو پر وابستګي کموالی راولي . نړیوالو پانګه‌والو ته جذاب کاري چاپیریال جوړول په ۲۰۲۱ کې پیل شوی، عملیات ۳۰۰ میلیارده د اماراتو په اقتصاد کې د صنعتي سکتور رول لوړولو هدف درلود ، چې موخه یې د ۲۰۲۱ په ۱۳۳ میلیارد درهم څخه د ۲۰۳۱ تر ۳۰۰ میلیارد درهم پوری د ناخالص ملي تولید ( GDP)   کې د دې سکتور ونډې لوړول دي. دغه نوښت د ځایي او نړیوالو پانګوالو لپا...

ناسا اعلان وکړ چې زحل یا ټایټان سپوږمۍ ته به ستور مزلي بېړۍ واستوي د امریکا فضایي ادارې ناسا د نوومبر په ۲۵ مه (د قوس په ۵ مه) اعلان وکړ چې د ۳.۳۵ میلیارده ډالرو هلیکوپټر به د سپېس‌ایکس شرکت د “فالکن هېوي” توغندي په واسطه د زحل تر ټولو لویې سپوږمۍ، تایټان، ته واستوي . دا څرخکه، چې “ډراګن فلای” (بمبیرک) نومیږي، ټاکل شوې ده چې له لمر څخه ۱.۲ میلیارده کیلومتره لیرې امکان وڅېړي . فالکن هېوي توغندی مخکې په بریالیتوب د “یوروپا کلیپر” پلټونکي او سایکي (Psyche) ستوربېړۍ په ترتیب سره د ۲۰۲۳ او ۲۰۲۴ د اکتوبر په میاشتو کې فضا ته لېږدولي دي . ناسا له سپېس‌ایکس شرکت سره د فالکن هېوي ستور بیړۍ په وسیله د خپل هلیکوپټر د لېږلو لپاره د ۲۵۷ میلیون ډالرو په ارزښت قرارداد لاسلیک کړی دی، چې په دې کې د توغولو خدمات او په ماموریت پورې اړوند نور ټول لګښتونه شامل دي . هر څه له پلان سره سم که هر څه له پلان سره سم ترسره شي، فالکن هېوي به د ۲۰۲۸ کال د جولای په درېیمه اوونۍ کې د “ډراګن فلای” پلټونکی، چې د یو موټر په اندازه دی، د زحل سیارې پر لور وتوغوي. دا پلټونکی به، چې اتومي ځواک به یې پرمخ ب...

د متحده عربي اماراتو د دولت رئیس شیخ محمد بن زاید النهیان د نورو سفیرانو تر څنګ د طالبانو د سفیر باورلیک هم ومانه د متحده عربي اماراتو دولت په افغانستان کې د هر نظام په راتګ سره خپلې ډیپلوماټیکې اړیکې او همکارۍ ښې ساتلي دي، خو دا ځل یې د طالبانو د رژیم په رسمیت پېژندلو اعلان نه دی کړی. د متحده عربي امارات ددولت رییس د چار شنبې په ورځ د طالبانو د سفیر په ګډون د یو شمېر نویو سفیرانو باورلیکونه ومنل . د شیخ محمد بن زاید ال نهیان په ماڼۍ کې د سفيرانو اخستل شوي ګډ عکس کې د طالبانو سفیر «مولوي بدرالدین حقاني» له بیرغ پرته او له یوې ښځې سره اوږه په اوږه لیدل کیږي . متحده عربي اماراتو د طبیعي پېښو او بحران پر مهال له افغانستان سره بشري بېړنۍ مرستې کړي دي. دغه هېواد د ۲۰۲۳ کال په اکتوبر کې په هرات کې له زلزله ځپلو سره خوارکي او غیر خوارکي توکو مرسته وکړه چې موقت روغتونونه او طبي وسایل هم په کې موجود وو. پر دې سربېره، متحده عربي اماراتو په افغانستان کې له هغو خلکو سره د ۳۳ ټنو خوراکي او غیر خوراکي توکو مرسته وکړه چې د افغانستان په جنوب هرات ولایت کې تېر کال زلزلې وځپل او د سر او ...

  د روسیې د ملي امنیت سلاکار طالبانو ته سپارښتنه کړې چې د ملي پلاخینې بهیر پیل کړي د روسیې د ملي امنیت سلاکار سرګي شویګو په کابل کې له طالب چارواکو سره په لیدنه کې د افغانانو ترمنځ د پخلاینې بهیر د پیل کېدو غوښتنه کړې ده. هغه ویلي، چې روسیه په افغانستان کې د دایمي سولې لپاره چمتو ده د افغانانو ترمنځ د پخلاینې په بهیر کې مرسته وکړي . سرګي شویګو چې پخوا د روسیې د دفاع وزیر و، د دوشنبې په ورځ د یوه چګپوړي پلاوي په مشرۍ کابل ته لاړ او هلته یې د طالبانو د رییس الوزرا له اقتصادي مرستیال ملا عبدالغني برادر، د سیاسي مرستیال مولوي عبدالکبیر، د طالبانو دفاع وزير ملا یعقوب او کورنیو چارو وزير سراج الدين حقاني سره جلا جلا ليدنې او خبرې کړې دي . د رغنده سیاسي خبرو اترو بهیر د روسیې د خبري اژانسونو د راپورونو له مخې، شویګو له طالب چارواکو سره په لیدنه کې ویلي، «موږ د افغانانو ترمنځ د پخلاینې د پروسې په شمول، د خپلو هیوادونو ترمنځ د رغنده سیاسي خبرو اترو د رامنځته کولو لپاره خپل چمتووالی تاییدوو .» بین الافغاني خبرې د طالبانو او امریکا ترمنځ ددوحې د هوکړې یوه برخه ده، خو طالبانو د تېر حکومت له م...

افغانستان کې د چین استازی وايي، د طالبانو د حکومت پر پېژندلو د سیمې له هیوادونو سره مشورې کوي د افغانستان لپاره د چین ځانګړي استازي “یو شیاویونګ” وویل چې چین د سیمې له هېوادونو سره د طالبانو د حکومت د رسميت پېژندلو په اړه سلامشورې کوي . شیاویونګ “طلوع نیوز” ته وویل: “د رسميت پېژندلو په اړه، چین نه یوازې د افغانستان له ګاونډیو بلکې د سیمې له هېوادونو سره هم خبرې اترې کوي .” هغه زیاته کړه: “د چین، د سیمې او ګاونډیو هېوادونو، او د افغانستان د سرپرست حکومت په هڅو یوه اجماع رامنځته شوې چې نړیواله ټولنه باید په کابل کې له سرپرست حکومت سره تعامل پیل کړي .” په افغانستان کې د ځینو ډلو پر موجودیت اندېښنې دغه چینایي چارواکي همداراز وویل چې ځینې هېوادونهد هغو ډلو په اړه اندېښنې لري چې په افغانستان کې شته، او دا چاره د کابل او د دغو هېوادونو ترمنځ اړیکو ته زیان رسولی شي. له همدې امله د چین ځانګړي استازي ټینګار وکړ چې دا مسئله باید داسې حل شي چې د هېوادونو رضایت ترلاسه شي . د کابل او اسلام‌اباد ترمنځ د کړکېچونو د حل په اړه شیاویونګ وویل چې دواړه هېوادونه د درېیم هېواد له مداخلې پرته خپ...

د ملګرو ملتونو تازه راپور وايي، افغانستان کې ۴۳۳ ټنه اپین تولید شوي دي د ملګرو ملتونو د نشه یي توکو او جرمونو دفتر تازه رپوټ څرګندوي چې په ۲۰۲۴ کال کې د اپین تولید ۴۳۳ ټنو ته رسېدلی، چې د ۲۰۲۳ کال په پرتله ۳۰ سلنه زیاتوالی ښيي، خو لا هم د ۲۰۲۲ کال په پرتله ۹۳ سلنه کم دی. رپوټ وایي، اوس دوه پر درېیمه برخه نشه يي توکي د هېواد په شمال ختیز کې تولیدیږي . د ۲۰۲۴ کال په اوږدو کې کروندګرو پر ۱۲,۸۰۰ هکټاره ځمکه کوکنار کرلي، چې د تېر کال په پرتله ۱۹ سلنه زیاتوالی ښيي، خو لا هم تر بندیز مخکې کچې ته نه ده رسېدلې . د کوکنارو د حاصلاتو ارزښت په ۲۰۲۴ کال کې ۲۶۰ میلیونه ډالرو ته رسېدلی ، چې د تېر کال په پرتله ۱۳۰ سلنه زیاتوالی ښيي، خو لا هم د ۲۰۲۲ کال د بندیز مخکې ارزښت په پرتله ۸۰ سلنه ټیټ دی . د ملګرو ملتونو د نشه یي توکو او جرمونو دفتر اجرایه رییسې غاده فتحي والي ویلي چې"د کوکنارو د کرکېلې او تولید دوامداره کمښت نوي فرصتونه او پېچلې ننګونې رامنځته کوي ." هغې زیاته کړې چې نړیوالو هڅو ته اړتیا ده څو ډاډ ترلاسه شي چې دا کمښت د مصنوعي نشه یي توکو لکه میتافېټامین په تول...